ఈనాడు, అమరావతి: సోమవారం సీఎం క్యాంపు కార్యాలయానికి వచ్చిన మంత్రి పేర్ని నాని ఉద్యోగుల సమ్మె నోటీసు అంశంపై విలేకరుల ప్రశ్నకు స్పందిస్తూ..‘సమ్మె నోటీసు ఇచ్చినా.. జీవితాంతం సమ్మెలో ఉండరు కదా? ఏదో ఒక రోజు ప్రభుత్వంతో చర్చకు రావాల్సిందే కదా? అందువల్లే వారికున్న అంశాలేవో వచ్చి ప్రభుత్వంతో మాట్లాడమని కోరుతున్నాం. నోటీసుపై మాకు అభ్యంతరం లేదు. ఇప్పటికీ వారిని ఆహ్వానిస్తున్నాం. నోటీసుతో మీరు ఒక అడుగు ముందుకు వేసినా ఎప్పటికీ మీరు మా పిల్లలే, ప్రభుత్వం తలుపులు ఎప్పుడూ తెరిచే ఉంటాయి. మనస్ఫూర్తిగా చర్చకు ఆహ్వానిస్తున్నాం. అంతేతప్ప చర్చలకు రాకుండా ఎక్కడో మీడియాలో మేం మాట్లాడినదాన్నే ప్రభుత్వం పరిగణనలోకి తీసుకోవాలనడం ఎంతవరకు ధర్మం?’ అని ప్రశ్నించారు.