స్వాతంత్య్ర దినోత్సవం సందర్భంగా 195 మంది జీవిత ఖైదీలు విడుదల

ఈనాడు, అమరావతి: స్వాతంత్య్ర దినోత్సవాన్ని పురస్కరించుకుని ఆంధ్రప్రదేశ్‌ వ్యాప్తంగా 195 మంది జీవిత ఖైదీలను రాష్ట్ర ప్రభుత్వం విడుదల చేయనుంది. సత్ప్రవర్తన కలిగిన ఖైదీలుగా గుర్తించిన వీరందరినీ శిక్షకాలం పూర్తికాక ముందే విడుదల చేయనుంది. ఈ మేరకు ప్రత్యేక మినహాయింపు ఇచ్చింది. వీరంతా విడుదల కోసం రూ.50 వేల విలువైన బాండు సమర్పించాలి. మిగతా శిక్ష కాలం పూర్తయ్యేంత వరకూ ప్రతి మూడు నెలలకోసారి స్థానిక పోలీసుస్టేషన్‌లో హాజరుకావాలి. ఎవరైనా మళ్లీ నేరానికి పాల్పడితే వారికి ఇచ్చిన మినహాయింపు రద్దవుతుంది. ఈ మేరకు హోంశాఖ ముఖ్య కార్యదర్శి హరీష్‌కుమార్‌ గుప్తా ఆదివారం ఉత్తర్వులిచ్చారు.


మరిన్ని

ap-districts
ts-districts