గురుకులాల్లోనూ ముఖ హాజరు: మంత్రి నాగార్జున

ఈనాడు, అమరావతి: గురుకుల పాఠశాలల్లోనూ విద్యార్థులకు ముఖహాజరు విధానాన్ని ప్రవేశపెట్టాలని సాంఘిక సంక్షేమశాఖ మంత్రి మేరుగు నాగార్జున అధికారులను ఆదేశించారు. సచివాలయంలో బుధవారం ఆయన ఎస్సీ సంక్షేమ హాస్టళ్లు, గురుకులాలపై సమీక్షించి మాట్లాడారు. ‘కొన్ని పోస్ట్‌ మెట్రిక్‌ వసతిగృహాల్లో ఉంటున్న విద్యార్థులు కానివారిని అవసరమైతే పోలీసుల సాయంతో తొలగించాలి. విద్యార్థులకు గుర్తింపుకార్డులు జారీచేయాలి. వాచ్‌మన్లు లేనిచోట వారిని నియమించాలి’ అని మంత్రి ఆదేశించారు.