అమ్మో ఇంత దంతమా.. వ్యక్తి నోట్లో 37.5 మిల్లీమీటర్ల పన్ను!

జమ్మూ-కశ్మీర్‌లోని బడ్‌గామ్‌ జిల్లాకు చెందిన ఓ వ్యక్తి నోట్లో నుంచి వైద్యులు ‘భారీ పన్ను’ను బయటకు తీశారు. 37.5 మిల్లీమీటర్ల పొడవు ఉన్న ఈ దంతం ప్రపంచంలోనే అతి పెద్ద దంతం కావొచ్చని చెబుతున్నారు. ఎస్‌డీహెచ్‌ బీడ్‌వా ఆసుపత్రిలో చేరిన ఓ వ్యక్తి నోటి నుంచి ఈ పన్నును బయటకు తీశామని వైద్యుడు జావైద్‌ అహ్మద్‌ వెల్లడించారు. 15 రోజులుగా పంటి నొప్పితో బాధపడుతున్న ఓ వ్యక్తి ఆసుపత్రికి వచ్చాడని, అతడికి ఎక్స్‌రే తీయగా.. దంతం చాలా పెద్దగా ఉన్నట్లు వెల్లడైందన్నారు. బాధితుడి అనుమతితో శనివారం గంటన్నరసేపు శస్త్రచికిత్స నిర్వహించి ఆ దంతాన్ని బయటకు తీశామని చెప్పారు. గిన్నిస్‌ పుస్తకంలో నమోదైన రికార్డుల ప్రకారం ప్రపంచంలోనే అత్యంత పొడవైన పన్ను సైజు 37.2 మిల్లీమీటర్లు. ప్రస్తుతం బయటకు తీసిన పన్ను అంతకంటే పొడవుగా ఉంది. అందువల్ల ఈ పన్ను గిన్నిస్‌ పుస్తకంలో చోటు సంపాదించుకునే అవకాశముంది.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని