Vice President: ఉపరాష్ట్రపతి వేతనం ఎంతో తెలుసా?

దిల్లీ: దేశ తదుపరి ఉపరాష్ట్రపతి (Vice President) ఎవరనేది మరికొద్ది గంటల్లో తేలనుంది. ఈ పదవికి నేడు ఓటింగ్ జరుగుతోంది. ఎన్డీయే కూటమి తరఫున  పశ్చిమ బెంగాల్‌ మాజీ గవర్నర్‌ జగదీప్‌ ధన్‌ఖడ్‌ (Jagdeep dhankhar), విపక్షాల ఉమ్మడి అభ్యర్థిగా కేంద్ర మాజీ మంత్రి మార్గరెట్ ఆళ్వా (Margaret Alva) పోటీలో ఉన్నారు. సాయంత్రం 5 గంటలకు పోలింగ్‌ ముగియనుండగా.. రాత్రికల్లా ఫలితం వెల్లడికానుంది. ఉభయసభల్లో ఎన్డీయే, దాని మిత్రపక్షాలకు స్పష్టమైన బలమున్నందున అధికారిక కూటమి అభ్యర్థి జగదీప్‌ ధన్‌ఖఢ్‌ గెలుపు దాదాపు లాంఛనమే. ఈ సందర్భంగా ఉపరాష్ట్రపతి వేతనం (Salary), వారికుండే సదుపాయాల గురించి తెలుసుకుందాం.

* ఉపరాష్ట్రపతి నెలవారీ వేతనం రూ.4లక్షలు. అంతకుముందు నెలకు రూ.1.25లక్షల వేతనం ఉండగా.. 2018 బడ్జెట్‌లో దీన్ని రూ.4లక్షలకు పెంచారు.

* ఉపరాష్ట్రపతికి వేతనంతో పాటు ఉచిత వైద్యం, రైళ్లు, విమానాల్లో ఉచిత ప్రయాణాలు వంటి ఇతర సదుపాయాలూ ఉంటాయి.

* ఉచిత ల్యాండ్‌లైన్‌, మొబైల్‌ ఫోను కనెక్షన్లు ఇస్తారు. వ్యక్తిగత భద్రత, సిబ్బందిని కూడా ప్రభుత్వమే నియమిస్తుంది.

* ప్రస్తుతం దిల్లీలోని మౌలానా ఆజాద్‌ రోడ్‌లో ఉపరాష్ట్రపతి భవన్‌ ఉంది. అందులోనే ఉపరాష్ట్రపతి నివసిస్తారు.

ఒకవేళ ఏదైనా కారణాలతో రాష్ట్రపతి బాధ్యతలు నిర్వహించాల్సి వస్తే.. అప్పుడు రాష్ట్రపతికి అందే వేతనం, ఇతర సదుపాయాలు లభిస్తాయి. ఉపరాష్ట్రపతి రాజ్యసభ ఛైర్మన్‌గానూ వ్యవహరిస్తారు.

* పదవీ విరమణ తర్వాత ఉపరాష్ట్రపతికి తమ వేతనంలో 50శాతం పింఛనుగా లభిస్తుంది. దీంతో పాటు ఇతర సదుపాయాలు కూడా కొనసాగుతాయి.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని