NITI Aayog: సీఎం కేసీఆర్ వ్యాఖ్యలపై స్పందించిన నీతి ఆయోగ్‌

దిల్లీ: నీతి ఆయోగ్‌ నిరర్థక సంస్థగా మారిందని, అందుకు నిరసనగా.. దిల్లీలో రేపు జరగబోయే ఆ సంస్థ సమావేశాన్ని బహిష్కరిస్తున్నట్టు తెలంగాణ ముఖ్యమంత్రి కేసీఆర్‌ ప్రకటించారు. హైదరాబాద్‌లో ఏర్పాటు చేసిన మీడియా సమావేశంలో కేసీఆర్‌ మాట్లాడుతూ... నీతి ఆయోగ్‌ వల్ల ఎలాంటి ఉపయోగం లేదని, ఒక భజన మండలిగా మారిందని తీవ్రస్థాయిలో మండిపడ్డారు.

అయితే, సీఎం కేసీఆర్‌ వ్యాఖ్యలను నీతి ఆయోగ్‌ ఖండించింది. సమావేశాన్ని సీఎం కేసీఆర్‌ బహిష్కరించటం దురదృష్టకరమని తెలిపింది. కేంద్ర, రాష్ట్రాల మధ్య ఉన్నతస్థాయి సమావేశం బహిష్కరణ సరికాదని హితవు పలికింది. బలమైన రాష్ట్రాలు, దేశం తయారు చేయటమే సంస్థ లక్ష్యమని పేర్కొంది. గతేడాది సీఎంలతో 30కి పైగా సమావేశాలు జరిగాయని, రాష్ట్రాల మధ్య సహకారానికి మార్గం సుగమం చేశామని నీతిఆయోగ్‌ వెల్లడించింది. రాష్ట్రాలకు సంబంధించిన అనేక సమస్యలు పరిష్కరించామని, జల్‌జీవన్‌ మిషన్‌ కింద తెలంగాణకు కేంద్రం రూ.3982 కోట్లు కేటాయించిందని వివరించింది.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని