Raghurama: రాజధాని మార్చే హక్కు లేదని విజయసాయి చెప్పకనే చెప్పారు: రఘురామ

ఈనాడు, దిల్లీ: రాజధానిని మార్చే హక్కు రాష్ట్ర ప్రభుత్వానికి లేదని తమ పార్టీ జాతీయ ప్రధాన కార్యదర్శి విజయసాయిరెడ్డి తన తీరుతో చెప్పకనే చెప్పారని వైకాపా ఎంపీ రఘురామకృష్ణరాజు అన్నారు. తాము ఏదో పిచ్చి పని చేసినందున.. పార్లమెంట్‌ ద్వారా ఆ హక్కును ప్రసాదించమని రాజ్యసభలో విజయసాయిరెడ్డి ప్రైవేటు మెంబర్‌ బిల్లు ప్రవేశపెట్టారని ఎద్దేవా చేశారు. దిల్లీలో సోమవారం ఆయన విలేకర్లతో మాట్లాడారు. ఎవరైనా తాత్కాలికంగా నిర్మాణాలు చేపట్టి, ఇతర ప్రాంతానికి వెళితే వెళ్లొచ్చు కానీ అమరావతిని రాజధానిగా కదిలించలేరన్నారు. పార్లమెంటు వ్యవస్థ మనుగడలోకి వచ్చినప్పటి నుంచి కేవలం రెండు ప్రైవేటు మెంబర్‌ బిల్లులే  ఆమోదం పొందాయని గుర్తుచేశారు. నీతిఆయోగ్‌ సమావేశంలో పాల్గొన్న ముఖ్యమంత్రి జగన్‌మోహన్‌రెడ్డి రాష్ట్రానికి ఫలానాది కావాలని కోరలేదని ఆయన విమర్శించారు. ఏపీకి ప్రత్యేక హోదా, పోలవరం నిధుల ఊసే ఎత్తలేదని మండిపడ్డారు. మాతృభాషలో విద్యాబోధన చేయాలని కేంద్ర ప్రభుత్వం చెబుతుంటే ఆ అవకాశమే లేకుండా ప్రాథమిక పాఠశాలలను ఎత్తివేసే పనిలో జగన్‌మోహన్‌రెడ్డి ప్రభుత్వం ఉందని ఆరోపించారు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని