Munugode: మునుగోడులో కాంగ్రెస్‌కు మద్దతుపై ఆలోచిస్తాం: కోదండరాం

హైదరాబాద్‌: మునుగోడు ఉపఎన్నికలో మద్దతివ్వాలని తెలంగాణ జనసమితి అధ్యక్షుడు కోదండరాంను కాంగ్రెస్‌ పార్టీ కోరింది. దీనిపై స్పందించిన కోదండరాం.. తమకు కొంత సమయం కావాలని కోరారు. పార్టీలో అంతర్గతంగా చర్చించి వారం.. పది రోజుల్లో నిర్ణయం వెల్లడిస్తామని చెప్పినట్టు కాంగ్రెస్‌ నాయకులు తెలిపారు. ఇవాళ సాయంత్రం పీసీసీ కార్యనిర్వాహక అధ్యక్షుడు మహేశ్‌ కుమార్‌ గౌడ్‌, పీసీసీ సీనియర్‌ ఉపాధ్యక్షుడు మల్లు రవి, వేం నరేందర్‌రెడ్డి తదితరులు కోదండరాంను కలిశారు. పీసీసీ అధ్యక్షుడు రేవంత్‌రెడ్డి ఆదేశాలతోనే తాము కోదండరాంను కలిసినట్టు మహేశ్‌కుమార్‌గౌడ్‌, మల్లు రవి తెలిపారు. ‘‘మునుగోడులో ఏ పరిస్థితుల్లో ఉపఎన్నిక వచ్చిందో చెప్పాం. భాజపా, తెరాస కుమ్మక్కవడంతోనే ఉపఎన్నిక వచ్చిందని మేము నమ్ముతున్నాం. సిద్ధాంతపరంగా కలిసొచ్చే పార్టీల మద్దతు కోరుతున్నాం’’ అని కాంగ్రెస్‌ నేతలు స్పష్టం చేశారు.


మరిన్ని

ap-districts
ts-districts