Stock Market: స్వల్ప లాభాలతో మొదలైన మార్కెట్లు..

ముంబయి: దేశీయ మార్కెట్లు బుధవారం స్వల్ప లాభాలతో మొదలయ్యాయి. ద్రవ్యోల్బణ భయాలు తగ్గడంతో పాటు అంతర్జాతీయంగా ముడి చమురు ధరలు దిగివస్తుండటం మార్కెట్‌పై సానుకూల ప్రభావం చూపిస్తున్నప్పటికీ.. అంతర్జాతీయ మార్కెట్ల మిశ్రమ సంకేతాల నేపథ్యంలో మదుపర్లు అప్రమత్తత పాటిస్తున్నారు. దీంతో సూచీలు ఫ్లాట్‌గా కదలాడుతున్నాయి.

ఉదయం 9.35 గంటల ప్రాంతంలో సెన్సెక్స్‌ 124 పాయింట్ల లాభంతో 59,966.34 వద్ద, నిఫ్టీ 44.85 పాయింట్ల స్వల్ప లాభంతో 17,870.10 వద్ద ట్రేడ్‌ అవుతున్నాయి. ఎన్టీపీసీ, గ్రాసిమ్‌ ఇండస్ట్రీస్‌, భారత్‌ పెట్రోలియం, హీరో మోటార్స్‌, ఐషర్‌ మోటార్స్‌ షేర్లు రాణిస్తుండగా.. హెచ్‌డీఎఫ్‌సీ, హెచ్‌డీఎఫ్‌సీ బ్యాంక్‌, ఇన్ఫోసిస్‌, టీసీఎస్‌, హెచ్‌సీఎల్‌ టెక్నాలజీస్‌ షేర్లు ఒత్తిడికి గురవుతున్నాయి. డాలర్‌తో రూపాయి మారకం విలువ 44 పైసలు కోలుకుని 79.30 వద్ద కొనసాగుతోంది.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని