Telangana News: కానిస్టేబుల్‌ ప్రిలిమినరీ రాత పరీక్ష.. రేపట్నుంచి హాల్‌టికెట్ల జారీ

హైదరాబాద్‌: తెలంగాణలో కానిస్టేబుల్‌ ప్రిలిమినరీ రాత పరీక్ష హాల్‌ టికెట్ల జారీకి రంగం సిద్ధమైంది. ఈనెల 28న జరగాల్సిన పరీక్షకు సంబంధించిన హాల్‌ టికెట్లను రేపట్నుంచి డౌన్‌లోడ్‌ చేసుకోవచ్చని తెలిపింది. రేపు ఉదయం 8 నుంచి ఈనెల 26వ తేదీ రాత్రి వరకు డౌన్‌లోడ్‌ చేసుకునే అవకాశం కల్పించింది. రాష్ట్రంలో మొత్తం 15,644 కానిస్టేబుల్‌ పోస్టులకు ఏప్రిల్‌ 25న నోటిఫికేషన్‌ విడుదలైంది. మరో 614 ప్రొహిబిషన్‌, ఎక్సైజ్‌ కానిస్టేబుల్‌ పోస్టులకు ఏప్రిల్‌ 28న నోటిఫికేషన్‌ జారీ చేసిన విషయం తెలిసిందే. కానిస్టేబుల్‌ పరీక్షలకు 1601 పరీక్షా కేంద్రాలను అధికారులు ఎంపిక చేశారు. ఈ పరీక్షకు 6,61,196 మంది అభ్యర్థులు హాజరుకానున్నారు.


మరిన్ని

ap-districts
ts-districts