Shashi Tharoor: కాంగ్రెస్‌లో ఖర్గే మార్పులు తీసుకురాలేరు: శశి థరూర్‌

నాగ్‌పుర్‌: మల్లికార్జున్‌ ఖర్గే (Mallikarjun Kharge) లాంటి నేతలు కాంగ్రెస్‌ పార్టీలో మార్పులు తీసుకురాలేరని కాంగ్రెస్‌ అధ్యక్ష బరిలో నిలిచిన ఎంపీ శశిథరూర్‌ (Shashi Tharoor) వ్యాఖ్యానించారు. ఆయన గెలిస్తే కాంగ్రెస్‌లో పాత పద్ధతులే కొనసాగుతాయన్నారు. మహారాష్ట్రలోని నాగ్‌పుర్‌లో థరూర్‌ మాట్లాడుతూ.. తనను ఎన్నుకుంటే కార్యకర్తలు కోరుకునే విధంగా పార్టీలో మార్పులు తీసుకొస్తానని పేర్కొన్నారు.

ఇదిలా ఉంటే.. దిల్లీలో ఆదివారం నిర్వహించిన మీడియా సమావేశంలో ఖర్గే మాట్లాడుతూ.. కాంగ్రెస్ ‌(Congress) పార్టీని బలోపేతం చేసేందుకే తాను ఎన్నికల బరిలోకి దిగినట్లు పేర్కొన్నారు. ఎవరినో ఎదిరించడానికి కాదన్నారు. అనేకమంది సీనియర్లు, యువ నేతలు తనను ఎన్నికల్లో పోటీ చేయాలని కోరినట్లు తెలిపారు. ‘ఒకే వ్యక్తికి ఒకే పదవి’ సిద్ధాంతాన్ని అనుసరించి నామినేషన్‌ వేసిన రోజే రాజ్యసభలో ప్రతిపక్ష నేత పదవికి రాజీనామా చేశానన్నారు.


మరిన్ని