Balasubrahmanyam: గుంటూరులో బాలసుబ్రహ్మణ్యం విగ్రహం తొలగింపు

గుంటూరు: ప్రముఖ గాయకుడు ఎస్పీ బాల సుబ్రమహ్మణ్యం విగ్రహం తొలగింపుతో వివాదం చోటు చేసుకుంది. గుంటూరులోని మదర్‌ థెరీసా కూడలిలో కళా దర్బార్‌ అధ్వర్యంలో బాలసుబ్రహ్మణ్యం విగ్రహాన్ని ఏర్పాటు చేశారు. అనుమతి లేదంటూ నగరపాలక సంస్థ అధికారులు దానిని తొలగించేశారు. దీంతో కార్పొరేషన్‌ అధికారులపై కళాకారులు ఆగ్రహం వ్యక్తం చేశారు. బాలు విగ్రహం ఏర్పాటుకు అనుమతి కోరుతూ రెండేళ్లుగా అధికారుల చుట్టూ తిరిగామని కళాదర్బార్‌ అధ్యక్షుడు పొత్తూరి రంగారావు అన్నారు. ‘‘ విగ్రహం ఏర్పాటు చేస్తే ఎందుకు తొలగించారు?. మహా గాయకుడికి కార్పొరేషన్‌ అధికారులు ఇచ్చే గౌరవం ఇదేనా?’’ అని ఆగ్రహం వ్యక్తం చేశారు. తెలుగు రాష్ట్రాల్లో బాలసుబ్రహ్మణ్యం విగ్రహం ఏర్పాటు చేసింది కేవలం గుంటూరు లోనేనని ఆయన చెప్పారు. గుంటూరులో దాదాపు 200పైగా అనుమతి లేని విగ్రహాలున్నాయని ఆయన అన్నారు. తిరిగి బాలు విగ్రహాన్ని ఏర్పాటు చేయాలని డిమాండ్‌ చేశారు.


మరిన్ని

ap-districts
ts-districts

సుఖీభవ

చదువు