Chess Olympiad 2022: అగ్రస్థానంలో హంపి జట్టు

మహాబలిపురం: చెస్‌ ఒలింపియాడ్‌ మహిళల విభాగంలో భారత్‌-1 టైటిల్‌ రేసులో ముందుంది. కీలకమైన పదో రౌండ్లో 3.5-0.5తో కజకిస్థాన్‌ను ఓడించి పాయింట్ల పట్టికలో అగ్రస్థానానికి దూసుకెళ్లింది. జన్సాయాపై హంపి, బలబయేవాపై తానియా, నక్బయేవాపై భక్తి నెగ్గగా.. అసౌబయేవాతో గేమ్‌ను వైశాలి డ్రాగా ముగించింది. టోర్నీలో మరో రౌండ్‌ మాత్రమే మిగిలి ఉంది. పోలెండ్‌ రెండో స్థానంలో ఉంది. భారత్‌-2 ఆరో స్థానంలో, భారత్‌-3 తొమ్మిదో స్థానంలో ఉన్నాయి. ఓపెన్‌ విభాగం పదో రౌండ్లో ఉజ్బెకిస్థాన్‌తో మ్యాచ్‌ను 2-2తో డ్రాగా ముగించిన భారత్‌-2 రెండు నుంచి మూడో స్థానానికి పడిపోయింది. గుకేశ్‌ టోర్నీలో తొలి ఓటమిని చవిచూశాడు. అబ్దుసత్తోరోవ్‌ చేతిలో అతడు ఓడిపోయాడు. సిందరోవ్‌పై ప్రజ్ఞానంద నెగ్గగా.. నిహాల్‌ సరీన్‌, అధిబన్‌ తమ గేమ్‌లను డ్రాగా ముగించారు. హరికృష్ణ, విదిత్‌, అర్జున్‌, నారాయణన్‌లతో కూడిన భారత్‌-1 జట్టు 2.5-1.5తో ఇరాన్‌పై గెలిచింది. పాయింట్ల పట్టికలో నాలుగో స్థానంలో ఉంది. భారత్‌-3 జట్టు 28వ స్థానంలో ఉంది.


మరిన్ని

ap-districts
ts-districts