HarishRao: అరకోటి కొవిషీల్డ్‌ డోసులు ఇవ్వండి

కేంద్రానికి మంత్రి హరీశ్‌ లేఖ

ఈనాడు, హైదరాబాద్‌: తెలంగాణలో రెండు రోజులకు సరిపడా డోసులే ఉన్నందున వెంటనే 50లక్షల కొవిషీల్డ్‌ డోసులు పంపాలని రాష్ట్ర వైద్యారోగ్య శాఖ మంత్రి హరీశ్‌రావు కేంద్ర ఆరోగ్యమంత్రి మన్‌సుఖ్‌ మాండవీయకు మంగళవారం రాసిన లేఖలో కోరారు. ప్రస్తుతం రాష్ట్రంలో 2.7లక్షల డోసులే అందుబాటులో ఉన్నాయని హరీశ్‌ పేర్కొన్నారు. వ్యాక్సినేషన్‌లో దేశంలోనే తెలంగాణ ముందంజలో ఉందన్నారు. 106 శాతం తొలిడోస్‌, 104 శాతం రెండో డోస్‌ వ్యాక్సినేషన్‌ సాధించామన్నారు. 18ఏళ్లు పైబడినవారికి కరోనా టీకాల పంపిణీలో తెలంగాణ తొలిస్థానంలో ఉందన్నారు. ముందస్తు డోస్‌ విషయంలో రాష్ట్రం ప్రస్తుతం ప్రత్యేక డ్రైవ్‌ నిర్వహిస్తోందన్నారు. ప్రస్తుత డిమాండ్‌ మేరకు రోజుకు 3లక్షల డోస్‌లు ఇవ్వగలిగే సామర్థ్యం ఉన్నా.. వాక్సిన్‌ కొరత కారణంగా లక్షన్నరే ఇవ్వగలుగుతున్నామని మంత్రి పేర్కొన్నారు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని