ఉప్పుడు బియ్యంగా తడిసిన ధాన్యం

7.35 లక్షల టన్నుల ధాన్యం కేటాయింపు

ఈనాడు, హైదరాబాద్‌: ఇటీవల కురిసిన వర్షాలకు రాష్ట్రంలో తడిసిన ధాన్యాన్ని పోషకాలతో కూడిన ఉప్పుడు బియ్యం(ఫోర్టిఫైడ్‌ బాయిల్డ్‌ రైస్‌)గా మార్చాలని పౌరసరఫరాల శాఖ తాజా ఉత్తర్వుల్లో మిల్లర్లకు స్పష్టం చేసింది. వర్షాలకు 4.94 లక్షల టన్నుల ధాన్యం తడిసినట్లు జిల్లాల అదనపు కలెక్టర్లు నివేదిక ఇచ్చారు. ఈ క్రమంలో అయిదు లక్షల టన్నుల ఉప్పుడు బియ్యాన్ని సిద్ధం చేయాలన్న నిర్ణయానికి అనుగుణంగా 7.35 లక్షల టన్నుల ధాన్యాన్ని మిల్లింగ్‌కు కేటాయించింది(7.35 లక్షల టన్నుల ధాన్నాన్ని మరపడితే 5 లక్షల టన్నుల బియ్యం వస్తాయి). ప్రస్తుతానికి 4.45 లక్షల టన్నుల ధాన్యాన్ని జిల్లాల వారీగా కేటాయించినట్లు, మిగిలిన ధాన్యాన్ని త్వరలో కేటాయిస్తామని పౌరసరఫరాలశాఖ ఉత్తర్వుల్లో వివరించింది.


మరిన్ని

ap-districts
ts-districts