close

తాజా వార్తలు

Facebook Share Twitter Share WhatsApp Share Telegram Share
కరోనా విలయం: 4కోట్లకు చేరిన కేసులు!

వాషింగ్టన్‌: ప్రపంచవ్యాప్తంగా కరోనా వైరస్‌ విలయతాండవం చేస్తూనే ఉంది. తాజాగా పాజిటివ్‌‌ కేసుల సంఖ్య 4కోట్ల మైలురాయిని దాటింది. వీరిలో ఇప్పటివరకూ దాదాపు 3కోట్ల మంది కోలుకోగా మరో కోటి క్రియాశీల కేసులున్నాయి. ప్రపంచవ్యాప్తంగా వైరస్‌ బయటపడిన వారిలో ఇప్పటివరకు 11లక్షల మంది ఈ వైరస్‌కు బలయ్యారు. అంతేకాకుండా, యూరప్‌ దేశాల్లో రెండో దఫా విజృంభణ మొదలవుతుండటం మరింత ఆందోళన కలిగిస్తోంది.

ప్రపంచంలోనే అత్యధికంగా కరోనా తీవ్రత అమెరికాలో ఉండగా, భారత్‌ రెండో స్థానంలో ఉంది. అమెరికాలో ఇప్పటివరకు 81లక్షల కేసులు బయటపడగా రెండు లక్షల 20వేల మంది మృత్యువాతపడ్డారు. ఇక దక్షిణ అమెరికాలోనూ తాజాగా వైరస్‌ తీవ్రరూపం దాల్చుతోంది. ప్రపంచవ్యాప్తంగా సంభవించిన మరణాల్లో ఎక్కువశాతం(భారత్‌ మినహా) ఉత్తర, దక్షిణ అమెరికాల్లోనే సంభవించాయి. ఒక్క బ్రెజిల్‌లోనే లక్షా 54వేల మంది ప్రాణాలు కోల్పోయారు. మెక్సికోలో మరో 86వేలమంది మృత్యువాతపడ్డారు. ఇక ఆసియాలో అత్యధికంగా భారత్‌లో 75లక్షల కేసులు నమోదుకాగా లక్షా 15వేల మంది ప్రాణాలు కోల్పోయారు.

ప్రపంచవ్యాప్తంగా కరోనా కేసులు, మరణాలు ఎక్కువగా ఉన్న తొలి మూడు దేశాలు (జాన్స్‌హాప్కిన్స్‌ యూనివర్సిటీ ప్రకారం)..

దేశం     కరోనా కేసులు      మరణాలు
అమెరికా   81,08,679        2,19,311
భారత్‌     74,94,551        1,14,031
బ్రెజిల్‌     52,24,362        1,53,675 


మరిన్ని

జిల్లా వార్తలు

దేవ‌తార్చ‌న

రుచులు