close

వసుంధర

Facebook Share Twitter Share WhatsApp Share Telegram Share Link Share
పాలు పట్టడానికీ ఓ పద్ధతి

తల్లి పాల వారోత్సవం సందర్భంగా

పిల్లలకు పాలిచ్చేటప్పుడు పాపాయి పాలు తాగుతోందా... ఒళ్లో పడుకోబెట్టుకుని వంగి ఇవ్వాలా... పక్కన పడుకోబెట్టుకోవాలా... ఇలా బోలెడు సందేహాలు ఆ తల్లికి ఉంటాయి. వాటికి పరిష్కారమే ఇది. పాలిచ్చే భంగిమల్లో రకరకాల పద్ధతులు ఉంటాయి.
క్రెడిల్‌ భంగిమ: ఏ వైపు రొమ్ము నుంచి పాలిస్తుంటే ఆ పక్క మోచేతిమీద పాపాయి తలని ఆనించి పట్టుకోవాలి. ఇది సాధారణంగా ఎక్కువమంది పిల్లలకి పాలు పట్టించే విధానం. ఇది మీ ఇద్దరికీ సౌకర్యంగానే ఉంటుంది.
క్రాస్‌ క్రెడిల్‌:  సాధారణ ప్రసవమైతే ఒళ్లో పడుకోబెట్టుకుని బిడ్డ తలను లేపి రొమ్ముకి   ఆనించి పాలు పట్టాలి. మొదటి ఐదారు నెలల వరకూ ఈ విధానం సౌకర్యంగానే ఉంటుంది.
ఫుడ్‌బాల్‌ హోల్డ్‌: సిజేరియన్‌ అయిన తల్లులు ఫుడ్‌బాల్‌ పొజిషన్‌ అనుసరించొచ్చు. ఈ భంగిమలో తల్లి దిండుకు ఆనుకుని కూర్చుని బిడ్డ తలను చేత్తో పట్టుకుని పాలు పట్టించొచ్చు. దీనివల్ల బిడ్డ బరువు తల్లి పొట్ట మీద పడకుండా ఉంటుంది.
లెయిడ్‌ బ్యాక్‌ పొజిషన్‌: దీన్నే బయలాజికల్‌ నర్చరింగ్‌ విధానం అంటారు. ఈ పద్ధతిలో పిల్లలు తల్లి కడుపులో ఉన్నప్పుడు ఎలా ఉన్నారో అంతే సౌకర్యంగా ఉంటారు. వెన్నుకి తలగడ ఆధారం చేసుకుని ఏటవాలుగా పడుకుని పాలు పట్టించొచ్చు.


మరిన్ని