close

తాజా వార్తలు

ఏ పని చేపట్టినా అవినీతి ఉండొద్దు: జగన్‌

అమరావతి: రాష్ట్రంలోని పట్టణ ప్రాంతాల్లో నిర్మాణంలో ఉన్న లక్షా రెండువేల ఇళ్లకు రివర్స్‌ టెండరింగ్‌ నిర్వహించాలని సీఎం జగన్‌మోహన్‌రెడ్డి నిర్ణయించారు. వీటిలో పునాదిస్థాయిలో 65వేల ఇళ్లు, బేస్‌మెంట్‌ లెవెల్‌లో 37వేల ఇళ్లు ఉన్నట్లు గుర్తించామని.. వీటన్నింటికీ రివర్స్‌ టెండరింగ్‌ నిర్వహించాలని అధికారులను ఆయన ఆదేశించారు. పట్టణ ప్రాంతాల్లో ఇళ్ల నిర్మాణంపై సీఎం సమీక్షించారు. పురపాలక శాఖ మంత్రి బొత్స సత్యనారాయణ, సీఆర్డీయే, టిడ్కో ఉన్నతాధికారులు ఈ సమీక్షలో పాల్గొన్నారు. పట్టణ ప్రాంతాల్లో అర్హులై మిగిలిన నాలుగు లక్షల మందికి ఇళ్లు నిర్మించేందుకు భూమిని గుర్తించాలని సీఎం ఆదేశించారు. ఈ సందర్భంగా ఇళ్ల నిర్మాణ ప్రక్రియలో తీసుకోవాల్సిన జాగ్రత్తలపై అధికారులకు ఆయన దిశానిర్దేశం చేశారు.

ప్రభుత్వం ఏ పనిచేపట్టినా అవినీతి లేకుండా చూసుకోవాలని జగన్‌ ఆదేశించారు. ఇప్పుడున్న స్టేట్‌ షెడ్యూల్డ్‌ రేట్స్‌ (ఎస్‌ఎస్‌ఆర్‌)ను పరిగణనలోకి తీసుకోవాల్సిన అవసరంలేదని.. వాస్తవ రేట్లను బట్టి రివర్స్‌ టెండర్లు ఖరారు చేయాలని అధికారులకు సీఎం దిశానిర్దేశంచేశారు.  వాస్తవ రేట్లు.. ప్రభుత్వం నిర్ణయించిన రేట్లపై ఒకటికి రెండు సార్లు సమీక్షించుకోవాలని సూచించారు. రేట్లను ఖరారు చేయడానికి నిపుణుల సలహాలు తీసుకోవాలని తెలిపారు. ప్రతిష్ఠాత్మక సంస్థల్లో నిపుణుల అభిప్రాయాలు స్వీకరించాలన్నారు. ఈ నెలాఖరు నాటికి కొత్త రేట్లను ఖరారు చేస్తామని.. వచ్చే నెలలో రివర్స్‌ టెండరింగ్‌ నిర్వహిస్తామని అధికారులు సీఎం జగన్‌కు తెలిపారు.


మరిన్ని

జిల్లా వార్తలు

దేవ‌తార్చ‌న

రుచులు