ముగిసిన అల్ట్రా మారథాన్‌ పరుగు
మాట్లాడుతున్న జువాన్‌మానువెల్‌
బత్తలపల్లి,న్యూస్‌టుడే: ప్రతి అడుగు పేదల కోసం వేస్తున్నామని ఆర్డీటీ ప్రోగ్రాం డైరెక్టర్‌ మాంఛోఫెర్రర్‌ అన్నారు. అంతర్జాతీయ అల్ట్రా మారథాన్‌ పరుగు 170 కిలో మీటర్లు పూర్తి చేసి బత్తలపల్లిలోని ఆర్డీటీ ఫాదర్‌ విన్సెంట్‌ఫెర్రర్‌ ఘాట్‌ వద్ద శనివారం ముగిసింది. ఈ సందర్భంగా ఘాట్‌ ఆవరణలో ఏర్పాటు చేసిన సమావేశంలో మాంఛోఫెర్రర్‌ మాట్లాడుతూ స్పెయిన్‌కు చెందిన జువాన్‌మానువెల్‌ చేపట్టిన అంతర్జాతీయ రిలే అల్ట్రా మారథాన్‌ పరుగు కిలో మీటరుకు ఒక జీవితం అన్నారు. స్పెయిన్‌, ఇండియాకు చెందిన ఒలింపిక్‌ క్రీడాకారులు 128 మంది 170 కిలో మీటర్లు పరుగు చేశారన్నారు. అన్ని గ్రామాల్లో ప్రజలు వారిని ఆదరించడంతో జువాన్‌మానువెల్‌ బృందం ఉత్సాహంతో పరుగు తీసిందన్నారు. అనంతరం జువాన్‌మానువెల్‌ మాట్లాడుతూ సంస్థ వ్యవస్థాపకుడు దివంగత ఫాదర్‌ విన్సెంట్‌ ఫెర్రర్‌కు సంఘీభావం తెలపడానికి ఐదేళ్ల నుంచి అంతర్జాతీయ రిలే అల్ట్రా మారథాన్‌ పరుగు చేపట్టినట్లు వివరించారు. ప్రతి కిలో మీటరు పేద ప్రజల అభివృద్ధి కోసం చేపట్టామన్నారు. సంస్థ ఛైర్మన్‌ తిప్పేస్వామి, డైరెక్టర్లు చంద్రశేఖర్‌నాయుడు, రవీంద్రనాథ్‌, డాక్టర్‌ శిర్రప్ప, సుధీర్‌, సాగర్‌మూర్తి, నిర్మల్‌, రాజశేఖర్‌రెడ్డి, ఆసుపత్రి పర్యవేక్షకులు శర్మ, రీజినల్‌ డైరెక్టర్‌ మల్లికార్జున, ఏటీఎల్‌ వేమయ్య, మేనేజర్‌ హనుమంతురెడ్డి, తదితరులు ఉన్నారు.
దత్తత తీసుకున్న చిన్నారులు
