బ్రేకింగ్

రేపు హరీశ్‌రావు వంతూ వస్తుంది: ఈటల

సిద్దిపేట: తెలంగాణలో బీసీలకు 33% రిజర్వేషన్‌ అమలు చేయాలని భాజపా నేత ఈటల రాజేందర్‌ డిమాండ్‌ చేశారు. సిద్దిపేటలో భాజపా ఓబీసీ మోర్చా ఆధ్వర్యంలో జరిగిన బీసీ చైతన్య సదస్సులో ఈటల మాట్లాడారు. బీసీలకు రాష్ట్ర బడ్జెట్‌లో ₹5,500 కోట్లు పెట్టి ఎంత ఖర్చు చేశారని ప్రశ్నించారు. మరోవైపు ప్రశాంత్‌ కిషోర్‌ ఆలోచనలకు తెలంగాణలో ఓట్లు రాలవని ఎద్దేవా చేశారు. ‘‘₹వేల కోట్ల భూమలు అమ్మి పాలన సాగిస్తున్నారు. తెరాస ఉన్నంత వరకు కేసీఆర్‌ కుటుంబ సభ్యులే సీఎం అవుతారు. నా ఎదుగుదలను ఓర్వలేక తుంచే ప్రయత్నం చేశారు. రేపు హరీశ్‌రావు వంతు కూడా వస్తుంది’’ అని ఈటల విమర్శించారు.