Maruti Suzuki: మారుతీ సుజుకీ స్విఫ్ట్‌, సీఎన్‌జీ కార్ల ధరల పెంపు - Maruti Suzuki Increases Price Of The Swift And All CNG Models By Up To rs. 15000
close

Published : 12/07/2021 15:30 IST
Facebook Share Twitter Share WhatsApp Share Telegram Share Link Share

Maruti Suzuki: మారుతీ సుజుకీ స్విఫ్ట్‌, సీఎన్‌జీ కార్ల ధరల పెంపు

ఇంటర్నెట్‌డెస్క్‌: దేశీయ కార్ల తయారీ సంస్థ మారుతీ సుజుకీ సీఎన్‌జీ కార్ల ధరను భారీగా పెంచింది. దీంతోపాటు స్విఫ్ట్‌ కారు ధరలో మార్పులు చేసింది. ఈ పెంపు అత్యధికంగా రూ.15,000 వరకు ఉంటుందని కంపెనీ వెల్లడించింది. రెగ్యులేటరీ ఫైలింగ్‌లో ధరల పెంపు విషయాన్ని ప్రస్తావించింది. కొత్త ధరలు నేటి నుంచే అమల్లోకి వస్తాయని పేర్కొంది. ముడి పదార్థాల ధరలు గణనీయంగా పెరగటంతో ఈ నిర్ణయం తీసుకొన్నట్లు తెలిపింది. పెట్రోల్‌ కార్ల ధరలను కూడా పెంచే ఆలోచనలో ఉన్నట్లు సమాచారం.

‘‘మారుతీ సుజుకీ లిమిటెడ్‌ స్విఫ్ట్‌ కారు ధరను పెంచింది. దీంతోపాటు అన్ని మోడళ్ల సీఎన్‌జీ కార్ల రేట్లు కూడా మారాయి. కొత్త లెక్క ప్రకారం దిల్లీలో ఎక్స్‌షోరూమ్‌ ధరలో రూ.15,000 పెంపు ఉంటుంది. ఇది నేటి నుంచే అమల్లోకి వస్తుంది. ఇతరకార్ల ధరల్లో మార్పుల విషయాన్ని పరిశీలిస్తున్నాం. త్వరలోనే వెల్లడిస్తాం’’ అని ఫైలింగ్‌లో పేర్కొంది.

ప్రస్తుతం కంపెనీ ఆల్టో, ఎస్‌ప్రెస్సో, సెలిరియో, వేగనార్‌, ఎకో, ఎర్టిగా మోడళ్లు మాత్రమే సీఎన్‌జీ విభాగంలో విక్రయిస్తోంది. స్విఫ్ట్‌, డిజైర్‌, బ్రెజా మోడళ్లు కేవలం పెట్రోల్‌ ఇంజిన్‌తో మాత్రమే లభిస్తాయి. 2022 రెండో త్రైమాసికం నాటికి ధరల పెంపు ఉంటుందని మారుతీ జూన్‌ 21వ తేదీనే వెల్లడించింది. ఈ ఏడాది నుంచి మారుతీ ధరలను పెంచడం ఇది మూడోసారి. జనవరిలో కొన్ని మోడళ్లపై రూ.34వేల వరకు పెంచింది. ఆ తర్వాత ఏప్రిల్‌లో మరోసారి పెంచింది. ఇప్పుడు మూడోసారి ధరల పెంపును ప్రకటించింది.


Advertisement

మరిన్ని

మీ ప్రశ్న

సిరి జవాబులు

మరిన్ని
తాజా వార్తలు
మరిన్ని