SBI: ఆన్‌లైన్ బ్యాంకింగ్ టిప్స్.. మీరు తెలుసుకోండి.. - State-Bank-of-India-advise-account-holders-to-follow-these-tips-while-banking-online
close

Updated : 15/06/2021 10:50 IST
Facebook Share Twitter Share WhatsApp Share Telegram Share Link Share

SBI: ఆన్‌లైన్ బ్యాంకింగ్ టిప్స్.. మీరు తెలుసుకోండి..

ఆన్‌లైన్‌లో జ‌రుగుతున్న మోసాల‌ను నివారించేందుకు భార‌తీయ అతిపెద్ద బ్యాంక్ ఎస్‌బీఐ త‌న ఖాతాదారుల‌కు కొన్ని సూచున‌లు జారీచేసింది. ఇంటెర్నెట్ బ్యాంకింగ్ ద్వారా చేసే లావాదేవీలు సుర‌క్షితంగా ఉండేందుకు  అప్ర‌మ‌త్తంగా ఉండాలని తెలియ‌జేసంది. ఆన్‌లైన్ ద్వారా బ్యాంకింగ్ సేవ‌ల పొందే వినియోగ‌దారులు చేయ‌వ‌ల‌సిన, చేయకూడ‌ని వాటిని త‌న అధికారిక వెబ్‌సైట్‌లో వినియోగ‌దారుల కోసం పొందుప‌రిచింది. 

ఏమి చేయాలి..
* ఆన్‌లైన్ ద్వారా వెబ్‌సైట్‌కు  లాగిన్ అయ్యేందుకు మీ బ్రౌజ‌ర్ అడ్ర‌స్ బార్‌లో https://onlinesbi.com యూర‌ల్ టైప్‌ చేసి యాక్సిస్ కావ‌చ్చు. 
* మీ కంప్యూట‌ర్‌ను క్ర‌మంత‌ప్ప‌కుండా యాంటీవైర‌స్‌తో స్కాన్ చేయాలి. 
* చివ‌రి లాగిన్ తేది, స‌మ‌యంను ప్ర‌తీసారి చెక్ చేస్తూ ఉండాలి. 

ఏం చేయ‌కూడ‌దు..

* సైట్‌కి లాగిన్ అయ్యేందుకు మెయిల్ లేదా మెసేజ్ ద్వారా వ‌చ్చిన లింకుల‌పై క్లిక్ చేయ‌డం మంచిది కాదు. 
* మీకు తెలియ‌ని వెబైసైట్‌ల నుంచి వ‌చ్చే ఇమెయిల్‌ను తెరిచి చూడ‌టం, ఈమెయిల్‌కి జోడించిన లింక్స్‌ను క్లిక్ చేయ‌డం మానుకోవాలి.
*  తెలియ‌ని వ్య‌క్తులు స‌ల‌హా మేర‌కు అవ‌స‌రం లేని యాప్‌ల‌ను డౌన్‌లోడ్ చేయ‌కండి
* వ్య‌క్తిగ‌త స‌మాచారం చెప్తే రివార్డులు ఇస్తామ‌న్న సందేశంతో వ‌చ్చే ఇమెయిల్‌/ ఎస్ఎమ్ఎస్‌/  ఫోన్ కాల్స్ వంటి వాటికి దూరంగా ఉండండి. మీ స‌మాచారాన్ని ఇవ్వ‌కండి
* బ్యాంకు వెబ్‌సైట్ స‌మాచారం అప్‌డేట్ చేస్తున్న కార‌ణంగా మీ వివ‌రాలు తెలియ‌జేయాలి అని  వివ‌రాలు తెలుసుకునే ప్ర‌య‌త్నం చేస్తారు. జాగ్ర‌త్త‌గా ఉండాలి. 
* ఎస్‌బీఐ, ఆర్‌బీఐ, ప్ర‌భుత్వ సంస్థ‌లు, పోలీస్‌, కేవైసీ అథారిటి నుంచి కాల్ చేస్తున్నాము అని చెప్పి స‌మాచారం తెలుసుకునేందుకు య‌త్నిస్తారు. ఈ విధంగా ఫోన్ కాల్స్ వ‌స్తే సైబ‌ర్ మోసాల‌కు పాల్ప‌డే వారి నుంచి వ‌చ్చే కాల్స్‌గా భావించి వాటిని నివారించండి. 

చివ‌రిగా..
ఏ బ్యాంకులైన ఇమెయిల్ ద్వారా గానీ ఇత‌ర మాధ్య‌మాల ద్వారా గానీ వ్య‌క్తిగ‌త స‌మాచారాన్ని తెలుసుకునే ప్ర‌య‌త్నం చేయ‌వు.  ఇలాంటి వాటికి దూరంగా ఉండండి. పుట్టిన తేది, డెబిట్ కార్డు నెంబ‌ర్‌, ఇంట‌ర్ నెట్ బ్యాంకింగ్ యూజ‌ర్ ఐడి, పాస్‌వ‌ర్డ్‌, డెబిట్ కార్డు పిన్ నెంబ‌ర్‌, సివీవి, ఓటీపీ వంటి స‌మాచారాన్ని ఎవ్వ‌రితోనూ షేర్ చేయ‌కండి. ఆన్‌లైన్ ద్వారా చేసే బ్యాంకు లావాదేవీల‌ను సుర‌క్షితంగా పూర్తిచేయండి. 


మరిన్ని

మీ ప్రశ్న

సిరి జవాబులు

మరిన్ని
తాజా వార్తలు
మరిన్ని