కార్డును స్విచ్ ఆఫ్/ఆన్ చేసుకోవ‌చ్చు  - Set-limit-or-switch-it-off-your-card-when-not-in-use
close

Updated : 30/07/2021 14:29 IST
Facebook Share Twitter Share WhatsApp Share Telegram Share Link Share

 కార్డును స్విచ్ ఆఫ్/ఆన్ చేసుకోవ‌చ్చు 

బ్యాంకింగ్ మోసాలు పెరుగుతున్న నేప‌థ్యంలో రిజర్వ్ బ్యాంక్ ఆఫ్ ఇండియా (ఆర్‌బీఐ) ఇటీవల డెబిట్ కార్డులు, క్రెడిట్ కార్డులను భద్రపరచడానికి అనేక కొత్త చర్యలను ప్రవేశపెట్టింది. ఇకపై బ్యాంకులు జారీ చేసే అన్ని కొత్త డెబిట్, క్రెడిట్ కార్డులు పాయింట్ ఆఫ్ సేల్ (పీఓఎస్‌) టెర్మినల్స్ వద్ద దేశీయ లావాదేవీలకు మాత్రమే అనుమ‌తిస్తాయి.  ఆన్‌లైన్ లావాదేవీల కోసం కార్డును ఉపయోగించాలనుకుంటే కార్డుదారుడు బ్యాంకును సంప్రదించాలి. దుర్వినియోగాన్ని అరికట్టడానికి రెగ్యులేటర్ కొత్త నిబంధనలను కూడా విడుదల చేసింది.

ఆర్‌బీఐ కొత్త డెబిట్, క్రెడిట్ కార్డ్ నిబంధనలు:

1) ఇష్యూ / రీ-ఇష్యూ సమయంలో, అన్ని కార్డులు (భౌతిక, వర్చువల్) భారతదేశంలోని సంప్రదింపు ఆధారిత వినియోగ పాయింట్ల వద్ద మాత్రమే ఉపయోగించే వీలుంద‌ని ఆర్‌బీఐ తెలిపింది.

2) కార్డుదారులు తమ డెబిట్, క్రెడిట్ కార్డులలో.. ఆన్‌లైన్ లావాదేవీలు, అంతర్జాతీయ లావాదేవీలు, కాంటాక్ట్‌లెస్ లావాదేవీలతో సహా ఇతర సౌకర్యాలను ప్రారంభించడానికి వారి బ్యాంకును సంప్రదించాలి. ఈ సేవలు డీఫాల్ట్‌గా ఇకపై అందుబాటులో ఉండవు.

3)  భారతదేశం వెలుపల కార్డును ఉపయోగించాలనుకుంటే, వారు అంతర్జాతీయ లావాదేవీలను ప్రారంభించడానికి బ్యాంకు అనుమ‌తి పొందాలి. 

4) ప్రస్తుత కార్డులను డీయాక్టివేట్ చేయడానికి, రీ-ఇష్యూ చేయ‌డానికి బ్యాంకులకు హక్కు ఉంటుంది.

5) ఆన్‌లైన్ లావాదేవీలు, అంతర్జాతీయ లావాదేవీలు, కాంటాక్ట్‌లెస్ లావాదేవీల కోసం కార్డును ఉపయోగించకపోతే, వారి కార్డును నిలిపివేయడానికి బ్యాంకుకు అవకాశం ఉంటుంది.

6)  ఏటీఎం లావాదేవీ, డెబిట్ లేదా క్రెడిట్ కార్డులో లభించే ఆన్‌లైన్ లావాదేవీలను  కార్డ్ హోల్డర్లు తమ కార్డును ఆన్ చేసి స్విచ్ ఆఫ్ చేసుకునే అవకాశం ఉంటుంది. 

7) వినియోగదారులు తమ లావాదేవీల పరిమితిని నిర్ణయించే సదుపాయాన్ని కూడా పొందవచ్చని ఆర్‌బీఐ తెలిపింది.

8) 24 గంట‌లు ప‌నిచేసే మొబైల్ యాప్‌లు, పరిమితులను సవరించడానికి, సేవలను ప్రారంభించడానికి, నిలిపివేయడానికి నెట్ బ్యాంకింగ్ ఎంపికలను అందించాలని ఆర్‌బీఐ బ్యాంకులను కోరింది. బ్యాంక్ శాఖలు, ఏటీఎంలు కూడా ఈ ఆప్ష‌న్‌ కలిగి ఉంటాయి.

9)  నియ‌ర్‌‌ బ్యాంకు కమ్యూనికేషన్ (ఎన్‌ఎఫ్‌సి) టెక్నాలజీ ఆధారంగా చాలా బ్యాంకులు కార్డులు కూడా ఇస్తున్నాయి. ఒక వ్యాపారి అటువంటి కార్డులను స్వైప్ చేయవలసిన అవసరం లేదు లేదా వాటిని అమ్మకపు టెర్మినల్‌లో చేర్చాలి. వీటిని కాంటాక్ట్‌లెస్ కార్డులు అని కూడా అంటారు. కార్డ్ హోల్డర్లు కూడా ఎన్ఎఫ్‌సీ ఫీచ‌ర్‌ను ప్రారంభించడానికి లేదా నిలిపివేయడానికి ఎంపికను పొందుతారు.

10) ప్రీపెయిడ్ గిఫ్ట్ కార్డులు, మాస్ ట్రాన్సిట్ సిస్టమ్‌లో ఉపయోగించే కార్డులకు కొత్త నిబంధనలు వర్తించవు అని సెంట్రల్ బ్యాంక్ తెలిపింది.


మరిన్ని

మీ ప్రశ్న

సిరి జవాబులు

మరిన్ని
తాజా వార్తలు
మరిన్ని