మెచ్యూరిటీ తర్వాత పీపీఎఫ్‌ ఖాతా పొడిగించొచ్చా? - can you extend your PPF after maturity
close

Updated : 18/06/2021 17:24 IST
Facebook Share Twitter Share WhatsApp Share Telegram Share Link Share

మెచ్యూరిటీ తర్వాత పీపీఎఫ్‌ ఖాతా పొడిగించొచ్చా?

ఇంటర్నెట్‌ డెస్క్‌: పబ్లిక్ ప్రావిడెంట్ ఫండ్ (పీపీఎఫ్) ఖాతా మెచ్యూరిటీ వ్య‌వ‌ధి 15 సంవత్సరాలు. ఆ త‌ర్వాత మొత్తాన్ని ఉప‌సంహ‌రించుకొని ఖాతాను మూసివేయ‌వ‌చ్చు. కానీ డిపాజిటర్ తన ఖాతాను మూసివేయడం తప్పనిసరి కాదు. మీరు దీన్ని మెచ్యూరిటీ త‌ర్వాత కూడా ఐదేళ్లు.. ఆ త‌ర్వాత మ‌రో ఐదేళ్లు ఇలా కొన‌సాగించ‌వ‌చ్చు. లేదంటే మెచ్యూరిటీ త‌ర్వాత‌ వడ్డీతో సహా మొత్తాన్ని ఉపసంహరించుకొని ఖాతాను మూసివేయ‌వ‌చ్చు. అయితే పీపీఎఫ్ నుంచి మ‌రింత ప్ర‌యోజ‌నం పొందాల‌నుకుంటే పదవీ విరమణ చేసే వరకు దాన్ని కొన‌సాగించ‌డం మంచిది. అప్పుడు చ‌క్ర‌వ‌డ్డీతో క‌లిపి ఎక్కువ లాభం పొందొచ్చు.

చ‌క్ర‌వ‌డ్డీతో ల‌భించే ప్ర‌యోజ‌నం గురించి ఇప్పుడు తెలుసుకుందాం. మీరు ఏటా పీపీఎఫ్‌లో ఓ లక్ష రూపాయలు పెట్టుబడి పెడతారని అనుకుందాం. 15 సంవత్సరాల సగటు వడ్డీ రేటు 7.5 శాతం. మెచ్యూరిటీ స‌మ‌యానికి సుమారు రూ.31 లక్షలు జ‌మ‌వుతాయి. అయితే అదే వడ్డీ రేటుతో ఈ డబ్బును రెట్టింపు చేయడానికి, 10 సంవత్సరాల కన్నా తక్కువ సమయం పడుతుంది.

* ఖాతాలో కొత్త‌గా డిపాజిట్ చేయాల్సిన అవ‌స‌రం లేకుండా కూడా కొన‌సాగించ‌వ‌చ్చు. అయితే ఈ కొన‌సాగింపు విష‌యాన్ని మీ బ్యాంక్ లేదా పోస్టాఫీసుకు తెలియజేయాలి.
* సంవత్సరంలోపు తెలియ‌జేయ‌క‌పోతే కొత్త‌గా డిపాజిట్ చేసేందుకు వీలుండ‌దు. కానీ, మీరు ఉపసంహరించుకునే వరకు ఖాతాలో ఉన్న మొత్తంపై వడ్డీ రావ‌డం కొన‌సాగుతుంది. ఆర్థిక సంవత్సరంలో ఒకసారి పాక్షిక ఉపసంహరణ చేయవచ్చు.

మీరు మీ డిపాజిట్‌ కొనసాగించాలని నిర్ణయించుకుంటే, ముందు ఫారం- హెచ్ సమర్పించడం తప్పనిసరి. లేకపోతే, మీ ఖాతాలో జమ చేసిన తాజా డిపాజిట్ల‌పై వ‌డ్డీ ల‌భించ‌దు. సెక్షన్ 80సి కింద పన్ను మినహాయింపు ప్రయోజనం కూడా పొంద‌లేరు.
* ఒకవేళ ఖాతాదారుడు తాజా డిపాజిట్ల‌ను కొనసాగాలని నిర్ణయించుకుంటే... ప్రతి పొడిగించిన ఐదేళ్ల‌ వ్యవధి ప్రారంభంలో ఖాతా బ్యాలెన్స్‌లో 60 శాతం వరకు ఉపసంహరించుకోవచ్చు.


మరిన్ని

మీ ప్రశ్న

సిరి జవాబులు

మరిన్ని
తాజా వార్తలు
మరిన్ని