మీరు తెలుసుకోవాల్సిన‌  ఏడు ర‌కాల ఆరోగ్య బీమా పాల‌సీలు - 7 different types of health insurance plans
close

Updated : 05/08/2021 17:34 IST
Facebook Share Twitter Share WhatsApp Share Telegram Share Link Share

మీరు తెలుసుకోవాల్సిన‌  ఏడు ర‌కాల ఆరోగ్య బీమా పాల‌సీలు

ఇంటర్నెట్‌ డెస్క్‌: కొవిడ్‌-19 మ‌హ‌మ్మారి వల్ల బీమా అవ‌స‌రం గురించి అంద‌రికీ కొంతమేర అవ‌గాహన వ‌చ్చింది. ముఖ్యంగా ఆరోగ్య బీమా తీసుకోవడానికి అందరూ ఇప్పుడు ముందుకొస్తున్నారు. అయితే, ఆరోగ్య బీమా పాలసీని కొనుగోలు చేయడానికి చాలా పాలసీలు అందుబాటులో ఉన్నాయి. అందులో దేన్ని తీసుకోవాలనే దానిపై గందరగోళం ఏర్పడుతోంది. కుటుంబంలో ఆదాయం సంపాదించేవారి పేరుతో తీసుకునే జీవిత బీమా కంటే కుటుంబ స‌భ్యుల కోసం కూడా క‌వ‌రేజ్ లభించే పాల‌సీలు ఉండ‌డం చాలా ముఖ్యం. అలాగే సరైన హెల్త్ కవర్ పాలసీని కొనుగోలు చేయడంతో పాటు, బీమా సంస్థ‌లు నేరుగా హాస్పిటల్ బిల్లులు చెల్లించేలా తగిన కవరేజీని ఎంచుకోవ‌డం కూడా ముఖ్యం. అప్పుడు మీ సొంత ఖ‌ర్చుతో బిల్లు చెల్లించాల్సిన అవ‌స‌రం ఉండ‌దు. అయితే ఆరోగ్య బీమా పాలసీలో అత్యుత్తమం అంటూ ఏదీ ఉండదు. గరిష్ఠ కవరేజీతో మీకు త‌గిన పాల‌సీని ఎంచుకోండి.

ఏడు ర‌కాల ఆరోగ్య బీమా పాల‌సీల గురించి తెలుసుకుందాం. అందులో కొన్ని క‌చ్చితంగా తీసుకోవాల్సిన పాల‌సీలు అయితే ఇత‌ర పాల‌సీలు తీసుకుంటే రిస్క్ క‌వ‌రేజ్ ల‌భిస్తుంది.
1. వ్య‌క్తిగ‌త ఆరోగ్య బీమా:
వ్య‌క్తిగ‌త ఆరోగ్య బీమా లేదా మెడిక్లెయిమ్ ప్రీమియం, వ‌య‌స్సు, కొనుగోలుదారు బీమా మొత్తం ఆధార‌ప‌డి ఉంటుంది.  అవి నష్టపరిహార పాలసీలు, అంటే మీరు కొనుగోలు చేసిన కవర్ మొత్తానికి అయ్యే వాస్తవ ఖర్చులను వారు తిరిగి చెల్లిస్తారు. కనీసం 24 గంటలు ఆసుపత్రిలో ఉండాల్సి వ‌స్తే పాల‌సీ  ఖర్చులను భరిస్తుంది.
2. ఫ్యామిలీ ఫ్లోట‌ర్ ప్లాన్‌:
ఫ్యామిలీ ఫ్లోటర్ ప్లాన్ అనేది వ్యక్తిగత ఆరోగ్య బీమా ప్లాన్ మాదిరిగానే ఉంటుంది. ప్రయోజనాలు కూడా దాదాపుగా ఒకే విధంగా ఉంటాయి, కానీ బీమా మొత్తాన్ని కుటుంబంలోని ఎవరైనా లేదా మొత్తం సభ్యులు పొందవచ్చు. ఉదాహరణకు, నలుగురు ఉన్న‌ కుటుంబంలోని ప్రతి సభ్యుడి కోసం రూ .3 లక్షల ఆరోగ్య బీమా కవరేజీని కొనుగోలు చేయడానికి బదులుగా, మీరు రూ .9 లక్షలకు ఫ్యామిలీ ఫ్లోటర్ ప్లాన్‌ను కొనుగోలు చేస్తే, ప్రతి సభ్యుడు రూ .3 లక్షలు కాకుండా రూ .9 లక్షల వరకు క‌వ‌రేజీ పొందుతాడు.  వ్యక్తిగత ఆరోగ్య బీమా పథకాలతో పోలిస్తే ఈ ప్లాన్‌లలో ప్రీమియం కూడా తక్కువగా ఉంటుంది
3. క్రిటికల్ ఇల్‌నెస్ ప్లాన్‌:
 క్లిష్టమైన వ్యాదుల కోసం ప్ర‌త్యేకంగా తీసుకునే ఈ పాల‌సీ ఆసుపత్రి బిల్లులే కాకుండా దానికి సంబంధించిన ఖ‌ర్చుల‌ను మొత్తం చెల్లిస్తుంది. అన్ని బీమా సంస్థలు 10 నుంచి 12 వరకు ఈ క్రిటిక‌ల్ ఇల్‌నెస్ పాల‌సీల‌ను అందిస్తున్నాయి. కొన్ని పాల‌సీలు క్యాన్సర్, కొరోనరీ ఆర్టరీ బైపాస్ సర్జరీ, గుండెపోటు, మూత్రపిండాల వైఫల్యం, ప్రధాన అవయవ మార్పిడి, పక్షవాతం వంటి వాటికి కూడా క‌వరేజ్ ఇస్తున్నాయి. 
4. రోజూవారి ఆసుప‌త్రి బిల్లులు:
  డైలీ హాస్పిటల్ క్యాష్ ప్లాన్  ఆరోగ్య బీమా పథకం,  పాలసీదారులు ఆసుపత్రిలో చేరినప్పుడు రోజూ నిర్ణీత మొత్తాన్ని చెల్లిస్తుంది. గది అద్దె, వైద్యుల ఫీజులు, ఇతర ఛార్జీలతో సహా ఆసుపత్రి బిల్లు, బీమాదారు ఎంచుకున్న రోజుల సంఖ్యను బట్టి డైలీ హాస్పిటల్ క్యాష్ ప్లాన్ చెల్లింపు చేస్తుంది.

5. ఆరోగ్య సంజీవ‌నీ పాల‌సీ:
 ఇప్పుడు అందుబాటులో ఉన్న చాలా పాల‌సీల్లో వేర్వేరు ఫీచ‌ర్లు, విభిన్న ప్ర‌యోజ‌నాలు ఉన్నాయి. అందులోనుంచి ఏది ఎంచుకోవాలో తెలియ‌ని గంద‌ర‌గోళంలో ఉన్న‌వారు ఈ ఆరోగ్య సంజీవ‌ని పాల‌సీ కొనుగోలు చేయ‌డం మేలు. ఇది అన్ని బీమా కంపెనీల వ‌ద్ద ఈ ప్రామాణిక ఆరోగ్య బీమా పాల‌సీ అందుబాటులో ఉంటుంది. ఈ పాల‌సీతో ప్రాథమిక ఆరోగ్య అవసరాలకు, అంద‌రికీ  అర్థమ‌య్యేలా సుల‌భ‌మైన‌ పాలసీ పదాలను కలిగి ఉంటుంది. ఆరోగ్య సంజీవని పాలసీ రీయింబర్స్‌మెంట్ ప్రాతిపదికన పని చేస్తుంది.

6. క‌రోనా క‌వ‌చ్ పాల‌సీ:
కరోనా కవచ్ పాలసీ అనేది ఒక నిర్దిష్ట ఆరోగ్య బీమా పాలసీ, ఇది కోవిడ్ -19 కి సంబంధించిన‌ హాస్పిటల్ బిల్లులను కవర్ చేస్తుంది. అవి సాధారణ, ఆరోగ్య బీమాసంస్థ‌ల‌లో మాత్రమే అందుబాటులో ఉంటాయి. అవి హాస్పిటల్ బిల్లు రీయింబర్స్ చేసే నష్టపరిహార-ఆధారిత ప్రణాళికలు

7. క‌రోనా ర‌క్ష‌క్ పాల‌సీ:
క‌రోనా ర‌క్ష‌క్ పాల‌సీ కూడా ప్ర‌త్యేక ఆరోగ్య బీమా పాల‌సీ, క‌రోనా కార‌ణంగా  ఇది కూడా హాస్పిట‌ల్ బిల్లుల‌ను
కరోనా రక్షక్ పాలసీ కూడా కోవిడ్ -19 కార‌ణంగా ఆసుప‌త్రిలో చేరితే బిల్లులను కవర్ చేసే ఒక నిర్దిష్ట ఆరోగ్య బీమా పాలసీ, అయితే జీవిత బీమా కంపెనీలతో సహా అన్ని సంస్థ‌ల‌లో అందుబాటులో ఉంటుంది. కరోనా రక్షక్ పాలసీ ప్రాథ‌మిక ప్ర‌యోజ‌న ప‌థ‌కం కాబ‌ట్టి, బీమా మొత్తంలో 100 శాతం పాలసీదారునికి చెల్లించాలి.
 


మరిన్ని

మీ ప్రశ్న

సిరి జవాబులు

మరిన్ని
తాజా వార్తలు
మరిన్ని