Coal : విద్యుదుత్పత్తి కేంద్రాల్లో ఆందోళకర స్థాయికి బొగ్గు నిల్వలు - Coal shortage deepens in India
close

Published : 27/09/2021 23:08 IST
Facebook Share Twitter Share WhatsApp Share Telegram Share Link Share

Coal : విద్యుదుత్పత్తి కేంద్రాల్లో ఆందోళకర స్థాయికి బొగ్గు నిల్వలు

దిల్లీ : దేశంలోని బొగ్గు ఆధారిత విద్యుదుత్పత్తి కేంద్రాల్లో నిల్వలు ఆందోళనకర స్థాయికి చేరుకున్నట్లు తెలుస్తోంది. ‘సెంట్రల్‌ ఎలక్ట్రిసిటీ అథారిటీ’ గణాంకాల ప్రకారం.. ప్రస్తుతం బొగ్గు నిల్వలు 2017 నవంబరు నాటి స్థాయికి చేరుకున్నాయి. దేశీయ బొగ్గు ఆధారిత విద్యుదుత్పత్తి వినియోగంలో 60 శాతం వాటా కలిగిన ప్లాంట్లలో నిల్వలు ఒక వారానికి మాత్రమే సరిపోయే స్థాయికి చేరుకున్నట్లు తెలుస్తోంది. 

పరిస్థితి ఇలాగే ఉంటే అధిక ధరతో విదేశాల నుంచి దిగుమతి చేసుకోవాల్సిన పరిస్థితి ఏర్పడే అవకాశం ఉందని నిపుణులు చెబుతున్నారు. లేదంటే భారీ ఎత్తున విద్యుత్తు కోతలు ఎదుర్కోక తప్పదని హెచ్చరిస్తున్నారు. ఒకవేళ అధిక ధరకు బొగ్గు కొనుగోలు చేసే పరిస్థితి ఏర్పడితే.. ఛార్జీలు పెరిగే అవకాశం ఉందన్నారు. ఇప్పటికే అధిక పెట్రోలియం ధరలతో ఇబ్బందులు ఎదుర్కొంటున్న ప్రజలపై ఇది గుదిబండగా మారే అవకాశం ఉందని అభిప్రాయపడ్డారు.

కరోనా మహమ్మారి నుంచి పరిస్థితులు చక్కబడుతుండడంతో విద్యుత్తు గిరాకీ భారీ ఎత్తున పెరిగిందని సంబంధిత అధికారులు తెలిపారు. ఈ నేపథ్యంలో బొగ్గు నిల్వలు వేగంగా తగ్గిపోయాయని పేర్కొన్నారు. జులైలో 10 శాతం, ఆగస్టులో 18 శాతం చొప్పున డిమాండ్‌ పెరిగిందని తెలిపారు.


Advertisement

మరిన్ని

మీ ప్రశ్న

సిరి జవాబులు

మరిన్ని
తాజా వార్తలు
మరిన్ని