EV: తగ్గనున్న ఎలక్ట్రిక్‌ టూవీలర్‌ ధరలు - Electric 2-wheelers Get More Affordable
close

Published : 12/06/2021 19:40 IST
Facebook Share Twitter Share WhatsApp Share Telegram Share Link Share

EV: తగ్గనున్న ఎలక్ట్రిక్‌ టూవీలర్‌ ధరలు

ఇంటర్నెట్‌ డెస్క్‌: పర్యావరణ హితమైన ఎలక్ట్రిక్‌ వాహనాలకు ఊతమిచ్చేందుకు కేంద్రం కీలక నిర్ణయం తీసుకుంది. ఎలక్ట్రిక్‌ టూవీలర్‌ తయారీదారులకు అందించే సబ్సిడీనీ పెంచింది. ఇందుకోసం ఫేమ్‌- 2 (Faster Adoption and Manufacturing of Electric Vehicles in India Phase II) పథకంలోని కొన్ని సవరణలు చేసింది. ఈ మేరకు భారీ పరిశ్రమల శాఖ నోటిఫికేషన్‌ జారీ చేసింది.

ఎలక్ట్రిక్‌ వాహన తయారీదారులకు ప్రస్తుతం 1KWhకు ₹10వేలు చొప్పున ఇస్తున్న సబ్సిడీని ₹15 వేలకు పెంచుతున్నట్లు కేంద్రం పేర్కొంది. వాహనం ఖరీదులో గరిష్ఠంగా 40 శాతం వరకూ ఈ ప్రోత్సాహకాలను అందించనున్నారు. గతంలో ఇది 20 శాతం మాత్రమే ఉండేది. ప్రభుత్వం తీసుకున్న ఈ నిర్ణయం పట్ల ఎలక్ట్రిక్‌ వాహనాల తయారీ సంస్థలు సంతోషం వ్యక్తం చేశాయి. ప్రభుత్వం తీసుకున్న ఈ నిర్ణయం గేమ్‌ ఛేంజర్‌గా నిలుస్తుందని పేర్కొన్నాయి.

ప్రభుత్వం నుంచి ఈ ప్రకటన వెలువడిన వెంటనే బెంగళూరుకు చెందిన ఎలక్ట్రిక్‌ వాహన తయారీ సంస్థ ఏథర్‌ ఎనర్జీ వాహనాల ధరలను తగ్గించింది. తన 450x మోడల్‌పై ఏకంగా ₹14,500 తగ్గించింది. మిగిలిన స్కూటర్ల ధరలను కూడా సవరించనుంది. మిగిలిన కంపెనీలు కూడా ఆ మేరకు ధరలు తగ్గించే అవకాశం ఉంది. ఎలక్ట్రిక్‌ వాహనాల ధరలు అందుబాటులోకి వస్తే ఈ వాహనాలకు డిమాండ్‌ ఏర్పడనుంది.


మరిన్ని

మీ ప్రశ్న

సిరి జవాబులు

మరిన్ని
తాజా వార్తలు
మరిన్ని