Gold Rate: పెరిగిన బంగారం ధర - Gold price gains
close

Published : 21/06/2021 17:38 IST
Facebook Share Twitter Share WhatsApp Share Telegram Share Link Share

Gold Rate: పెరిగిన బంగారం ధర

దిల్లీ: అంతర్జాతీయ మార్కెట్లో నెలకొన్న పరిస్థితుల కారణంగా ఇటీవల తగ్గుతూ వచ్చిన బంగారం ధరలు సోమవారం కాస్త పెరిగింది. దేశ రాజధానిలో 10 గ్రాముల స్వచ్ఛమైన పసిడి ధరపై రూ.250లు పెరగడంతో రూ.46,277కి చేరింది. క్రితం ట్రేడింగ్‌లో ఈ ధర రూ. 46,027గా ఉంది. అంతర్జాతీయంగా విలువైన లోహాల ధరలు పుంజుకోవడం, రూపాయి విలువ తగ్గడంతో పసిడి ధర పెరిగినట్టు హెచ్‌డీఎఫ్‌సీ సెక్యూరిటీస్‌ తెలిపింది. మరోవైపు, వెండి కూడా బంగారం బాటలోనే పయనించింది. కిలో వెండిపై రూ.258లు పెరగడంతో కిలో వెండి ధర సోమవారం రూ.66,842కి చేరింది.

అంతర్జాతీయ మార్కెట్లో ఔన్సు బంగారం ధర అత్యధికంగా 1782 డాలర్లుగా ట్రేడ్‌ అవుతుండగా.. ఔన్సు వెండి ధర స్వల్పంగా పెరిగి 26.05 డాలర్లుగా ఉంది. గత వారం 15 నెలల్లో అత్యంత క్షీణతను నమోదు చేసిన బంగారం సోమవారం కాస్త పుంజుకున్నట్టు హెచ్‌డీఎఫ్‌సీ సెక్యూరిటీస్‌ (కమోడటీస్‌) సీనియర్‌ విశ్లేషకుడు  తపన్‌ పటేల్‌ తెలిపారు. మరోవైపు, హైదరాబాద్‌లో 10 గ్రాముల స్వచ్ఛమైన బంగారం ధర రూ.48,600లకు పైగా ట్రేడ్‌ అవుతోంది.


మరిన్ని

మీ ప్రశ్న

సిరి జవాబులు

మరిన్ని
తాజా వార్తలు
మరిన్ని