SBI: పెన్షనర్లకు ఎస్‌బీఐ గుడ్‌న్యూస్‌... లైఫ్‌ సర్టిఫికెట్‌ ఇక ఏ బ్రాంచ్‌లోనైనా - Pensioners can submit Life Certificates at any SBI branch
close

Published : 22/09/2021 16:29 IST
Facebook Share Twitter Share WhatsApp Share Telegram Share Link Share

SBI: పెన్షనర్లకు ఎస్‌బీఐ గుడ్‌న్యూస్‌... లైఫ్‌ సర్టిఫికెట్‌ ఇక ఏ బ్రాంచ్‌లోనైనా

ఇంటర్నెట్‌ డెస్క్‌: పింఛన్‌దారులకు స్టేట్‌ బ్యాంక్‌ ఆఫ్‌ ఇండియా (SBI) గుడ్‌న్యూస్‌ చెప్పింది. పెన్షనర్లు ఇకపై ఏదైనా ఎస్‌బీఐ బ్రాంచ్‌ వద్ద లైఫ్‌ సర్టిఫికెట్‌ను సమర్పించే వీలు కల్పించింది. పెన్షనర్లకు ఉద్దేశించిన పెన్షన్‌ సేవా పోర్టల్‌ పునరుద్ధరణలో భాగంగా ఈ సదుపాయం తీసుకొచ్చింది. పెన్షన్‌కు సంబంధించిన వివరాలను సులువుగా పొందే వెసులుబాటును కల్పించామని ఎస్‌బీఐ వెల్లడించింది.

ఎస్‌బీఐ సేవా పోర్టల్‌ అందించే సేవలు

* పెన్షనర్లు ఎస్‌బీఐ పెన్షన్ సేవా పోర్టల్ ద్వారా వారి పెన్షన్ స్లిప్/ ఫారం-16ని డౌన్‌లోడ్‌ చేసుకోవచ్చు.

సీనియర్ సిటిజన్స్ వారి పెన్షన్ లావాదేవీల వివరాలను చూడొచ్చు.

* ఎరియర్స్‌ బ్యాలన్స్ షీట్ డౌన్‌లోడ్‌ చేసుకోవచ్చు.

* కస్టమర్స్ తమ లైఫ్ సర్టిఫికెట్ స్థితిని తెలుసుకోవచ్చు. 

పెన్షనర్లు తమ పెన్షన్ ప్రొఫైల్ వివరాలను కూడా సులభంగా చూడొచ్చు.

కొత్తగా అందుబాటులోకి వచ్చిన సేవలు

* పెన్షన్‌ చెల్లింపు వివరాలతో పెన్షనర్ల మొబైల్ ఫోన్లకు ఎస్‌బీఐ సందేశాలను పంపుతుంది.

* మీరు మీ పెన్షన్ స్లిప్పును ఈ-మెయిల్/ పెన్షన్ చెల్లింపు శాఖ ద్వారా పొందొచ్చు.

* జీవన్ ప్రమాణ్‌ సౌకర్యం బ్యాంకు శాఖల్లో అందుబాటులో ఉంటుంది.

* పెన్షనర్లు ఎస్‌బీఐకి చెందిన ఏదైనా బ్యాంక్‌ శాఖలో లైఫ్ సర్టిఫికెట్లను సమర్పించొచ్చు.

ఫిర్యాదుల కోసం..
1. పెన్షన్‌ సంబంధిత సేవల్లో ఏదైనా సమస్య తలెత్తినప్పుడు దానికి సంబంధించిన స్క్రీన్‌షాట్‌ను support.pensionseva@sbi.co.inకి ఈ-మెయిల్ పంపొచ్చు. లేదా UNHAPPY అని 80082 02020కి ఎస్సెమ్మెస్‌ చేయొచ్చు.

2. 24x7 కస్టమర్‌కేర్‌ సర్వీస్ ద్వారా 1800 425 3800/1800 112 211 టోల్‌ఫ్రీ నంబర్లకు కాల్‌ చేసి ఫిర్యాదు చేయొచ్చు.

3. బ్యాంకు వెబ్‌సైట్‌ bank.sbi/dgm లేదా.. ఈమెయిల్‌ అడ్రస్‌లు customer@sbi.co.in/gm.customer@sbi.co.in కు మెయిల్‌ చేయొచ్చు.


Advertisement

మరిన్ని

మీ ప్రశ్న

సిరి జవాబులు

మరిన్ని
తాజా వార్తలు
మరిన్ని