Petrol Diesel Prices: పండగరోజూ వదల్లేదు.. మళ్లీ పెరిగిన పెట్రోల్‌ ధరలు! - Petrol Diesel Price Hike
close

Published : 16/10/2021 02:39 IST
Facebook Share Twitter Share WhatsApp Share Telegram Share Link Share

Petrol Diesel Prices: పండగరోజూ వదల్లేదు.. మళ్లీ పెరిగిన పెట్రోల్‌ ధరలు!

దిల్లీ: పండుగ రోజూ సామాన్యుడిపై పెట్రో బాదుడు ఆగలేదు.  పెట్రోల్‌, డీజిల్‌ ధరలు వరుసగా రెండో రోజూ పెరిగాయి. ఇప్పటికే నూనెలు, వంటగ్యాస్‌ సహా ఇతర నిత్యావసర వస్తువుల ధరలు పెరిగి ప్రజలు తీవ్ర ఇబ్బందులు ఎదుర్కొంటున్నారు. ఈ నేపథ్యంలో చమురు ధరల పెంపు నుంచి కనీసం పండగరోజైనా ఉపశమనం లభిస్తుందని ఆశించిన సామాన్యులకు నిరాశే మిగిలింది. గత మూడు వారాల్లో డీజిల్‌ ధరలు 17 సార్లు పెరగ్గా.. పెట్రోల్‌ ధరలు 14 సార్లు ఎగబాకాయి. తాజాగా శుక్రవారం లీటర్‌ పెట్రోల్ 35 పైసలు‌, డీజిల్‌పై 36 పైసలు చొప్పున పెరిగాయి. ఈ పెంపుతో దిల్లీలో లీటర్‌ పెట్రోల్‌ ధర రూ.105.14కు, ముంబయిలో రూ.111.09కు చేరుకుంది. లీటర్‌ డీజిల్‌ ధర ముంబయిలో రూ.101.78ను, దిల్లీలో రూ.93.87ను తాకింది. తెలుగు రాష్ట్రాల్లో గరిష్ఠంగా గుంటూరులో లీటర్‌ పెట్రోల్‌ ధర రూ.112.04, డీజిల్‌ రూ.104.44కి చేరింది.

మరోవైపు అంతర్జాతీయ మార్కెట్లో బ్రెంట్‌ చమురు బ్యారెల్‌ ధర 84.64 డాలర్లకు చేరుకుంది. ఈ స్థాయికి చేరడం గత ఏడేళ్లలో ఇదే తొలిసారి.  దేశవ్యాప్తంగా పెట్రోల్‌ ధరలు రూ.110 దిశగా వెళుతుంటే.. డీజిల్‌ ధరలు ఇప్పటికే రూ.100 మార్క్‌ను దాటేశాయి.

ప్రధాన నగరాల్లో లీటర్‌ డీజిల్‌, పెట్రోల్‌ ధరలు ఇలా..

నగరం           పెట్రోల్‌(రూ.లలో)        డీజిల్‌(రూ.లలో)

హైదరాబాద్‌           109.37                 102.42

గుంటూరు            112.04                 104.44

విజయవాడ           112.04                 103.88

విశాఖపట్నం          110.99                 103.43

దిల్లీ                  105.14                 93.87

ముంబయి            111.09                 101.78

చెన్నై                 102.50                  98.36

బెంగళూరు            108.80                 99.63


Advertisement

మరిన్ని

మీ ప్రశ్న

సిరి జవాబులు

మరిన్ని
తాజా వార్తలు
మరిన్ని