ఈ రైల్‌టెల్ ఐపీఓలో వాటా కేటాయింపు బ్రోక‌రేజ్‌ల ప్ర‌కారం ఈ రోజు ఖ‌రార‌య్యే అవ‌కాశ‌ముంది. రైల్‌టెల్ ఐపీఓకు ధ‌ర‌ఖాస్తుదారుల కేటాయింపు స్థితిని కెఫిన్ టెక్నాల‌జీస్ వెబ్‌సైట్‌లో చెక్ చేయ‌వ‌చ్చు.  ఇది షేర్‌ల వాటా కేటాయింపుల‌ను, రిఫండ్‌ల‌ను నిర్వ‌హిస్తుంది. ఈ వివ‌రాలు బిఎస్ఈ వెబ్‌సైట్‌లో కూడా ఉంటాయి. రైల్‌టెల్ షేర్ల జాబితా ఫిబ్ర‌వ‌రి 26న ఉంటుంది.

రైల్‌టెల్ ఐపీఓ ధ‌ర షేరుకు 93-94గా ఉంది. ఈ ఐపీఓలో ప్ర‌భుత్వం 27.16% వాటాను విక్ర‌యిస్తోంది.

రైల్‌టెల్ ఐపీఓ 42 రెట్లు ఓవ‌ర్ స‌బ్స్‌క్రైబ్ అయ్యింది.

రైల్‌టెల్ యొక్క రూ. 819 కోట్ల ఐపీఓ ఫిబ్ర‌వ‌రి 16 - 18 మ‌ధ్య తెరిచి ఉంది. ఆఫ‌ర్‌లో ఉన్న షేర్లు 6,11,95,923. ఈ ఆఫ‌ర్‌కు 2,59,42,43,370 షేర్ల‌కు బిడ్లు ల‌భించాయి.  రిటైల్ వ్య‌క్తిగ‌త పెట్టుబ‌డిదారుల విభాగం నుండి 16 రెట్లు, అర్హ‌త క‌లిగిన సంస్థాగ‌త కొనుగోలుదారుల నుండి 65.14 రెట్లు, సంస్థేత‌ర పెట్టుబ‌డిదారుల నుండి 73.25 రెట్లు ఓవ‌ర్ స‌బ్స్‌క్రైబ్ అయ్యింది.

ఈ ఆఫ‌ర్‌ నిర్వ‌హ‌కులుగా ఐసిఐసిఐ సెక్యూరిటీస్‌, ఐడిబిఐ క్యాపిట‌ల్ మార్కెట్స్ అండ్ సెక్యూరిటీస్ లిమిటెడ్‌, ఎస్‌బీఐ క్యాపిట‌ల్ మార్కెట్స్ ప‌నిచేశాయి.

ఈ ఐపీఓకు ముందు, రైల్‌టెల్ 14 యాంక‌ర్ పెట్టుబ‌డిదారుల నుండి రూ. 244 కోట్లు స‌మీక‌రించింది.

ఈ ఐపీఓ ఇష్యూకు అనేక బ్రోక‌రేజ్ సంస్థ‌లు కూడా సిఫార‌సు చేశాయి.

రైల్‌టెల్ త‌న ఆదాయంలో 66% టెలికాం విభాగం నుండి పొందుతుంది. మిగిలిన భాగం రైల్వేలు, ఇత‌ర ప్రాజెక్టుల నుండి వ‌స్తుంది. రైల్‌టెల్ స‌మ‌ర్ధ‌వంతంగా ప‌నిచేస్తే భార‌త్‌లో 5జీ వృద్ధి నుండి ఫైబ‌రైజేష‌న్ అవ‌స‌రాల కోణం నుండి ప్ర‌యోజ‌నం పొంద‌వ‌చ్చు. ఇది రైల్వేల డిజిట‌ల్ కార్య‌క్ర‌మాల్లో కీల‌క‌మైన పాత్ర పోషిస్తుంది. కోవిడ్‌-19 టెలికాం ప‌రిశ్ర‌మ‌పై న‌ష్ట‌ ప్ర‌భావం చూప‌లేదు. వాస్త‌వానికి డేటా వినియోగం, ఇంటి నుండి ప‌ని లాంటి వాటితో ఈ రంగానికి వృద్ధినే క‌లిగించింది.

రైల్‌టెల్ రుణ ర‌హిత సంస్థ‌. స్థిర‌మైన డివిడెండ్ల‌ను కూడా చెల్లిస్తుంది.