గృహ రుణాలపై వడ్డీరేట్లు పెంచిన ఎస్‌బీఐ  - SBI hikes home loan rate by 25 points
close

Published : 05/04/2021 14:02 IST
Facebook Share Twitter Share WhatsApp Share Telegram Share Link Share

గృహ రుణాలపై వడ్డీరేట్లు పెంచిన ఎస్‌బీఐ 

దిల్లీ: దేశీయ అతిపెద్ద ప్రభుత్వ రంగ బ్యాంకు స్టేట్‌ బ్యాంక్‌ ఆఫ్‌ ఇండియా(ఎస్‌బీఐ) గృహ రుణాలపై వడ్డీరేట్లను సవరించింది. ఈ రుణాలపై వడ్డీరేటును 25 బేసిస్‌ పాయింట్లు పెంచింది. దీంతో తాజా రుణరేటు 6.95శాతంగా ఉంది. పెంచిన రేట్లు ఏప్రిల్‌ 1వ తేదీ నుంచే అమల్లోకి వచ్చినట్లు ఎస్‌బీఐ ఓ ప్రకటనలో వెల్లడించింది. 

ఎస్‌బీఐ మార్చి 1న ఇంటి రుణాలపై వడ్డీరేట్లను అత్యంత కనిష్ఠంగా 6.70శాతానికి తగ్గించిన విషయం తెలిసిందే. దీంతో పాటు ప్రాసెసింగ్‌ ఫీజుపైనా వంద శాతం రాయితీ కల్పించింది. అయితే ఆ పరిమిత ఆఫర్‌ మార్చి 31వరకు మాత్రమే అందుబాటులో ఉంటుందని బ్యాంకు గతంలోనే పేర్కొంది. దీంతో ఏప్రిల్‌ 1 నుంచి నూతన వడ్డీరేట్లు అమల్లోకి వచ్చాయి. తాజాగా ఎస్‌బీఐ గృహ రుణ వడ్డీరేట్లు 6.95శాతంగా ఉన్నాయి. మరోవైపు గృహరుణాలపై 0.40శాతం ప్రాసెసింగ్‌ ఫీజు, జీఎస్‌టీ కూడా ఉండనున్నట్లు బ్యాంకు స్పష్టం చేసింది. రుణాన్ని బట్టి ఈ ప్రాసెసింగ్‌ ఫీజు రూ. 10వేల నుంచి రూ. 30వేల వరకు ఉండనుంది. ఇదిలా ఉండగా.. ఎస్‌బీఐ వడ్డీరేట్లను పెంచడంతో మిగతా బ్యాంకులు కూడా ఇదే నిర్ణయాన్ని అనుసరించే అవకాశాలున్నాయి.


మరిన్ని

మీ ప్రశ్న

సిరి జవాబులు

మరిన్ని
తాజా వార్తలు
మరిన్ని