TCS M-Cap: రూ.13.5 లక్షల కోట్ల మైలురాయిని తాకిన టీసీఎస్‌ - TCS market cap crosses Rs 13 and half trillion
close

Updated : 25/08/2021 12:50 IST
Facebook Share Twitter Share WhatsApp Share Telegram Share Link Share

TCS M-Cap: రూ.13.5 లక్షల కోట్ల మైలురాయిని తాకిన టీసీఎస్‌

ముంబయి: మార్కెట్‌ విలువ పరంగా రూ.13.5 లక్షల కోట్ల మైలురాయిని అందుకున్న దేశీయ రెండో సంస్థగా టీసీఎస్‌ అవతరించింది. బుధవారం ఇంట్రాడేలో బీఎస్‌ఈలో 2.3 శాతం ఎగబాకిన ఇన్ఫోసిస్‌ షేరు రూ.3,694.25 వద్ద జీవితకాల గరిష్ఠాన్ని తాకడంతో కంపెనీ మార్కెట్‌ విలువ రూ.13.65 లక్షల కోట్లకు చేరింది. గత నెల వ్యవధిలో టీసీఎస్‌ షేర్లు 15 శాతానికి పైగా ఎగిశాయి. మరో మూడు శాతం పెరిగితే.. టీసీఎస్‌ మార్కెట్‌ విలువ రూ.14 లక్షల కోట్ల మైలురాయిని చేరుకుంటుంది. రూ.14.51 లక్షల కోట్లతో మార్కెట్‌ క్యాప్‌ పరంగా ప్రస్తుతం రిలయన్స్‌ తొలిస్థానంలో ఉంది. హెచ్‌డీఎఫ్‌సీ బ్యాంక్‌ రూ.8.61 లక్షల కోట్లు, ఇన్ఫోసిస్‌ రూ.7.34 లక్షల కోట్లతో తర్వాతి స్థానాల్లో ఉన్నాయి. కరోనా తర్వాత వ్యాపారాలన్నీ డిజిటలైజేషన్‌ దిశగా సాగడం, క్లౌడ్‌ సాంకేతికతకు గిరాకీ పుంజుకుంటుండడంతో ఐటీ రంగ షేర్లు రాణిస్తున్నాయి. ఈ నేపథ్యంలోనే టీసీఎస్ షేర్ల ర్యాలీ కొనసాగుతోంది.


Advertisement

మరిన్ని

మీ ప్రశ్న

సిరి జవాబులు

మరిన్ని
తాజా వార్తలు
మరిన్ని