Tamilnad Mercantile Bank IPO: ఐపీఓకి తమిళనాడు మర్కంటైల్‌ బ్యాంక్‌ దరఖాస్తు - Tamilnad Mercantile Bank IPO
close

Updated : 06/09/2021 16:50 IST
Facebook Share Twitter Share WhatsApp Share Telegram Share Link Share

Tamilnad Mercantile Bank IPO: ఐపీఓకి తమిళనాడు మర్కంటైల్‌ బ్యాంక్‌ దరఖాస్తు

దిల్లీ: తూత్తుకుడి కేంద్రంగా పనిచేస్తున్న ప్రైవేటు రంగ బ్యాంకు తమిళనాడు మర్కంటైల్‌ బ్యాంక్‌ ఐపీఓకి దరఖాస్తు చేసుకుంది. ఈ మేరకు కావాల్సిన పత్రాలను సోమవారం సెబీకి సమర్పించింది. 15,827,495 తాజా షేర్లు, 12,505 ఈక్విటీ షేర్లను విక్రయానికి ఉంచనుంది. ఐపీఓ ద్వారా సమీకరించిన నిధుల్ని భవిష్యత్తులో సంస్థ కార్యకలాపాల్ని మరింత విస్తరించేందుకు ఉపయోగిస్తామని తెలిపింది.

భారత్‌లో  ప్రాచీన ప్రైవేటు బ్యాంకుల్లో తమిళనాడు మర్కంటైల్‌ బ్యాంక్‌ ఒకటి. దీనికి దాదాపు 100 ఏళ్ల చరిత్ర ఉంది. ముఖ్యంగా సూక్ష్మ, చిన్న, మధ్య తరహా పరిశ్రమలు, వ్యవసాయ, రిటైల్‌ రుణాలు అందించడంలో పేరుగాంచింది. జూన్‌ 30, 2021 నాటికి బ్యాంకుకు 509 బ్రాంచిలు ఉన్నాయి. వీటిలో గ్రామీణ ప్రాంతాల్లో 106 శాఖలు, సెమీ-అర్బన్‌ ప్రాంతాల్లో 247, పట్టణ ప్రాంతాల్లో 80, మెట్రోపాలిటన్‌ ప్రాంతాల్లో 76 శాఖలు ఉన్నాయి. మొత్తం 40.93 లక్షల కస్టమర్లు ఉన్నారు. వీరిలో 70 శాతం మందికి బ్యాంకుతో ఐదు సంవత్సరాల కంటే ఎక్కువ అనుబంధం ఉంది.


Advertisement

మరిన్ని

మీ ప్రశ్న

సిరి జవాబులు

మరిన్ని
తాజా వార్తలు
మరిన్ని