ఇంటర్నెట్‌ డెస్క్‌: ప్రముఖ వాహన తయారీ సంస్థ బజాజ్‌ ఆటో సరికొత్త ప్లాటినా 100 ఎలక్ట్రిక్‌ స్టార్ట్‌ బైక్‌ను మార్కెట్లోకి మంగళవారం విడుదల చేసింది. ప్లాటినా బ్రాండ్‌ ప్రత్యేకత అయిన ‘కంఫర్టెక్‌ సాంకేతికత’తో వస్తున్న ఈ బైక్‌లో అధునాతన ఫీచర్లను చేర్చారు. దూర ప్రయాణాల్లో అనువుగా ఉండేలా స్ప్రింగ్‌-ఇన్‌-స్ర్పింగ్‌ సస్పెన్షన్‌ వ్యవస్థను ఏర్పాటు చేశారు. ప్లాటినాలో తొలిసారి ట్యూబ్‌లెస్‌ టైర్లను పొందుపరిచారు. 102 సీసీ, ఫోర్‌ స్ట్రోక్‌, సింగిల్‌ సిలిండర్‌ ఇంజిన్‌ కలిగిన ఈ బైక్‌ 7,500 ఆర్‌పీఎం వద్ద 7.9 హెచ్‌పీ శక్తిని విడుదల చేస్తుంది. అలాగే 5,500 ఆర్‌పీఎం వద్ద 8.34 టార్క్‌ను ఉత్పత్తి చేస్తుంది. కాక్‌టెయిల్‌ వైన్‌ రెడ్‌, ఎబోనీ బ్లాక్ రంగుల్లో ఈ బైక్ అందుబాటులో ఉంది. అన్ని బజాజ్‌ ఆటో షోరూంలలో నేటి నుంచి ఇది అందుబాటులో ఉండనుంది. ఇక దీని ధరను రూ.53,920(ఎక్స్‌షోరూం, దిల్లీ)గా నిర్ణయించారు.

ఇవీ చదవండి...

వాహన విక్రయాలు భేష్‌

గంటకు 200 కి.మీ వేగం