close

Updated : 16/01/2021 08:57 IST
Facebook Share Twitter Share WhatsApp Share Telegram Share
‘స్పుత్నిక్‌ వి’ టీకా మూడో దశ పరీక్షలకు డీసీజీఐ అనుమతులు

డాక్టర్‌ రెడ్డీస్‌ వెల్లడి

దిల్లీ: భారత్‌లో ‘స్పుత్నిక్‌ వి’ టీకా మూడో దశ క్లినికల్‌ పరీక్షలకు భారత ఔషధ నియంత్రణ మండలి(డీసీజీఐ) అనుమతులు ఇచ్చినట్లు డాక్టర్‌ రెడ్డీస్‌ తెలిపింది. దేశంలో 1500 మంది వాలంటీర్లపై ఈ పరీక్షలను నిర్వహించనున్నట్లు ఎక్స్ఛేంజీలకిచ్చిన సమాచారంలో తెలిపింది. రెండో దశ క్లినికల్‌ పరీక్షలకు సంబంధించిన డేటాను డేటా అండ్‌ సేఫ్టీ మానిటరింగ్‌ బోర్డు(డీఎస్‌ఎమ్‌బీ) ఈ వారం మొదట్లో సమీక్షించింది. మూడో దశకు సిఫారసు చేసింది. భద్రతపరంగా ఎటువంటి ప్రతికూలతలు కనిపించలేదని.. ప్రాథమికంగా అన్ని ప్రమాణాలను ఈ పరీక్షల్లో పాటించినట్లు తన నివేదికలో డీఎస్‌ఎమ్‌బీ పేర్కొంది. ‘టీకా పరీక్షల్లో ఇది అత్యంత ముఖ్యమైన మైలురాయి. ఈ నెలలోనే మూడో దశ పరీక్షలను మొదలుపెట్టాలని భావిస్తున్నాం. భారత ప్రజలకు అత్యంత భద్రమైన, సమర్థవంతమైన టీకాను తీసుకురావడానికి మా వేగవంతమైన చర్యలను కొనసాగిస్తామ’ని డాక్టర్‌ రెడ్డీస్‌ సహ ఛైర్మన్‌, మేనేజింగ్‌ డైరెక్టర్‌ జీవీ ప్రసాద్‌ పేర్కొన్నారు. సెప్టెంబరు 2020లో ఈ కంపెనీ భారత్‌లో పంపిణీ హక్కుల నిమిత్తం స్పుత్నిక్‌ వి టీకాకు క్లినికల్‌ పరీక్షలను నిర్వహించడానికి రష్యన్‌ డైరెక్ట్‌ ఇన్వెస్ట్‌మెంట్‌ ఫండ్‌(ఆర్‌డీఐఎఫ్‌)తో భాగస్వామ్యం కుదుర్చుకున్న సంగతి తెలిసిందే.

Tags :

మరిన్ని

మీ ప్రశ్న

సిరి జవాబులు

మరిన్ని
తాజా వార్తలు
మరిన్ని