ఈనాడు, హైదరాబాద్‌: మౌలిక సదుపాయాల రంగ కంపెనీ గాయత్రీ ప్రాజెక్ట్స్‌ రేటింగ్‌ను ‘కేర్‌ రేటింగ్స్‌’ తగ్గించింది. ప్రస్తుతం ఉన్న ‘బి’  రేటింగ్‌ను, ‘డి’ రేటింగ్‌కు తగ్గిస్తున్నట్లు కేర్‌ రేటింగ్స్‌ వెల్లడించింది. ఇది నాసిరకం రేటింగ్‌ కిందకు వస్తుంది. అప్పులు సకాలంలో తీర్చలేకపోవడమే దీనికి కారణమని వివరించింది. నష్టాలు పెరిగి, నికర విలువ క్షీణించడం కూడా ఈ పరిస్థితికి తావిచ్చినట్లు పేర్కొంది. ఈ కంపెనీకి ప్రస్తుతం దాదాపు రూ.3,000 కోట్లకు పైగా రుణభారం ఉంది.