దిల్లీ: మహిళా సాధికారతే లక్ష్యంగా సామాజిక మాధ్యమ వేదిక హర్‌సర్కిల్‌ను ప్రారంభించినట్లు రిలయన్స్‌ ఫౌండేషన్‌ ఛైర్‌పర్సన్‌ నీతా అంబానీ ఆదివారం ప్రకటించారు. మహిళలకు సంబంధించి అన్ని అంశాల (కంటెంట్‌)కు ఇది వేదికగా నిలవాలన్నది లక్ష్యమని తెలిపారు. హర్‌సర్కిల్‌.ఇన్‌ ద్వారా లక్షల మంది మహిళలకు మద్దతుగా నిలుస్తామని, ఇందుకోసం ప్రతి మహిళ ఈ డిజిటల్‌ ప్లాట్‌ఫామ్‌లో చేరొచ్చని నీతా అంబానీ చెప్పారు. ఏ దేశం వారైనా, ఏ మతం, సంస్కృతికి చెందిన మహిళలైనా వినూత్న ఆలోచనలు పంచుకోవచ్చని పేర్కొన్నారు. ఈ ప్లాట్‌ఫామ్‌పై చదువుకోవచ్చు, వీడియోలు వీక్షించవచ్చు, జీవనశైలి, ఆర్థిక, వ్యక్తిగత అభివృద్ధి, పనితీరుకు సంబంధించి మెళకువలు తెలుసుకోవచ్చు.