ఈ ఏడాది భారత వృద్ధి 12.5% - imf projects indias growth rate as 12 pc
close

Published : 07/04/2021 14:57 IST
Facebook Share Twitter Share WhatsApp Share Telegram Share Link Share

ఈ ఏడాది భారత వృద్ధి 12.5%

చైనా కంటే ఎక్కువే ఇది
ఐఎమ్‌ఎఫ్‌ అంచనాలు

వాషింగ్టన్‌: ఈ ఏడాది భారత వృద్ధి ఆకర్షణీయంగా 12.5 శాతం నమోదవుతుందని అంతర్జాతీయ ద్రవ్యనిధి(ఐఎమ్‌ఎఫ్‌) అంచనా వేస్తోంది. గతేడాది కరోనాలోనూ సానుకూల వృద్ధి సాధించిన ఏకైక దేశం చైనా కంటే ఈ వృద్ధి ఎక్కువ కావడం విశేషం. ప్రపంచ బ్యాంకుతో సమావేశానికి ముందు వార్షిక ‘వరల్డ్‌ ఎకనమిక్‌ అవుట్‌లుక్‌’ అంచనాలను ఐఎమ్‌ఎఫ్‌ వెలువరచింది. ఆ అంచనాల ప్రకారం.. 
*2020లో రికార్డు స్థాయి క్షీణతను నమోదు చేసిన భారత్‌.. 2021లో మాత్రం 12.5 శాతం మేర రాణించవచ్చు. 2022లో 6.9 శాతం మేర వృద్ధి చెందొచ్చు. 
*2020లో 2.3 శాతం మేర వృద్ధి చెందిన చైనా ఈ ఏడాది 8.6 శాతం; వచ్చే ఏడాది 5.6 శాతం చొప్పున వృద్ధిని నమోదు చేయొచ్చు. 
* అంతర్జాతీయ ఆర్థిక వ్యవస్థ గతంలో అంచనా వేసినదాని కంటే మిన్నగా రాణిస్తుంది. ఈ ఏడాది 6 శాతం; వచ్చే ఏడాది 4.4 శాతం మేర వృద్ధి చెందొచ్చు. 2020లో ఇది 3.3 శాతం మేర క్షీణించిన సంగతి విదితమే. సంక్షోభం నుంచి ఆర్థిక వ్యవస్థలు కోలుకుంటున్నాయి. మరింత వేగంగా సవాళ్ల నుంచి బయటపడుతున్నాయి. 
*అక్టోబరు 2020 వరల్డ్‌ ఎకనమిక్‌ అవుట్‌లుక్‌(డబ్ల్యూఈఓ)లో ఐఎమ్‌ఎఫ్‌ అంచనా వేసిన దాని కంటే 2020లో 1.1 శాతం తక్కువగా అంతర్జాతీయ వృద్ధి క్షీణించింది. అదే సమయంలో 2021, 2022 అంచనాలను అక్టోబరుతో పోలిస్తే 0.8%; 0.2% చొప్పున ఐఎమ్‌ఎఫ్‌ పెంచినట్లయింది. కొన్ని పెద్ద దేశాల్లో అదనపు ద్రవ్యలభ్యత, ద్వితీయార్ధంలో టీకా ఆధారిత రికవరీ పుంజుకుంటుందన్న భావనల నేపథ్యంలో ఐఎమ్‌ఎఫ్‌ తన అంచనాలను సవరించింది. 
*‘కరోనాను ఇంకా ఓడించాల్సి ఉంది. చాలా దేశాల్లో కేసులు పెరుగుతూనే ఉన్నాయి. ఆయా దేశాల్లో కరోనా తర్వాత రుణ స్థాయిలు పెరగడం; పర్యాటకం మీదే ఆధారపడడంతో టీకా కార్యక్రమానికి తగిన విధాన మద్దతు ఇవ్వడానికి ఇబ్బంది పడుతున్నాయ’ని వివరించింది.  


మరిన్ని

మీ ప్రశ్న

సిరి జవాబులు

మరిన్ని
తాజా వార్తలు
మరిన్ని