జువెల‌రీ ఉన్న బ్యాంక్ లాక‌ర్‌కి బీమా అవ‌స‌ర‌మా? - insure-your-jewellery-kept-in-a-bank-locker
close

Published : 27/12/2020 20:09 IST
Facebook Share Twitter Share WhatsApp Share Telegram Share Link Share

జువెల‌రీ ఉన్న బ్యాంక్ లాక‌ర్‌కి బీమా అవ‌స‌ర‌మా?

చాలా మంది బంగారం వంటి విలువైన వ‌స్తువుల‌ను భ‌ద్రంగా ఉంచేందుకు బ్యాంకు లాక‌ర్ల‌లో పెడ‌తారు. ఇంట్లో ఉండ‌టం కంటే బ్యాంకు లాక‌ర్లో ఉంటే జాగ్ర‌త్త‌గా ఉంటాయ‌ని విశ్వ‌సిస్తారు. కానీ ఏవైనా అనుకోని సంఘ‌ట‌న‌లు జరిగితే బ్యాంకు లాక‌ర్లో ఉన్న వ‌స్తువుల‌కు బ్యాంకులు బాధ్య‌త వ‌హించ‌వు. అయితే ఇంట్లో కంటే బ్యాంకుల్లో భ‌ద్ర‌త ఉంటుంద‌న్న విష‌యం ఎంత నిజ‌మో దానికి బీమా కూడా ఉంటే ఇంకా వ‌స్తువులు సుర‌క్షితంగా ఉంటాయ‌న్న విష‌యం అంతే నిజం. కొన్ని సాధార‌ణ బీమా సంస్థ‌లు బ్యాంక్ లాక‌ర్ బీమా స‌దుపాయాన్ని క‌ల్పిస్తున్నాయి.

‘టాటా ఏఐజీ సంస్థ అధిక విలువ క‌లిగిన వినియోగ‌దారుల‌కు ప్ర‌త్యేక పాల‌సీల‌ను రూపొందించింది. ఇది జులెల‌రీని లాక‌ర్‌లో పెట్టినా, ఇంట్లో దాచినా లేదా ధ‌రించిన‌ప్ప‌టికీ బీమా ర‌క్ష‌ణ క‌ల్పిస్తుంది. గృహ బీమా పాల‌సీల కింద జువెల‌రీ ప్రీమియం, బీమా హామీ కంటే ఒక‌టి శాతం ఎక్కువ‌గా ఉంటుందని’ సెక్యూర్ న‌వ్ మేనేజింగ్ డైరెక్ట‌ర్ అభిషేక్ బోడియా అన్నారు. లాక‌ర్ బీమాకు బదులుగా ప్రజలు సమగ్ర బీమా పాల‌సీని తీసుకోవాల్సిందిగా సూచిస్తాం, ఎందుకంటే బ్యాంక్ లాకర్ వెలుపల దొంగతనం జరిగే అవకాశాలు ఎక్కువగా ఉన్నాయి. ఆభరణాలను కొనడం ఖరీదైన వ్యవహారం, కాబట్టి దాన్ని సరిగ్గా బీమా చేయడం కూడా అవ‌స‌రమ‌ని వారు చెప్తున్నారు.

‘ఇఫ్కో టోకియో జనరల్ ఇన్సూరెన్స్’ బ్యాంక్ లాకర్ల కోసం ప్ర‌త్యేక‌ పాలసీని కలిగి ఉంది, ఇది దొంగతనానికే కాకుండా ఇతర ప్రమాదాలకు రక్షణ కల్పిస్తుంది. జువ‌లెరీ, ఇత‌ర విలువైన వ‌స్తువుల‌ను లాక‌ర్‌లో దాస్తే అగ్ని ప్ర‌మాదం, భూకంపం, దోపిడి, విప‌త్తులు, ఉగ్ర‌వాద చ‌ర్య‌, బ్యాంకు అధికారుల‌ మోసపూరిత చ‌ర్య‌లు వంటి వాటి నుంచి ర‌క్ష‌ణ క‌ల్పిస్తుంది. ‘ఆభరణాలు, ఇత‌ర‌ విలువైన వస్తువులు మాత్రమే కాకుండా, ముఖ్యమైన పత్రాలను కూడా లాక‌ర్‌లో ఉంచి బీమా చేసుకోవ‌చ్చు. క్లెయిమ్ సమయంలో వ‌స్తువ‌ల రీప్లేస్‌మెంట్ ఖ‌ర్చులు సంస్థ అంగీకరించిన పరిమితి మేర‌కు ఉంటాయ‌ని’ సంస్థ ఎగ్జిక్యూటివ్ వైస్ ప్రెసిడెంట్ సుబ్ర‌తా మోండ‌ల్ అన్నారు. ఇందులో రూ.3 ల‌క్ష‌ల క‌వ‌రేజ్ కోసం రూ.300, రూ.4 ల‌క్ష‌ల క‌వ‌రేజ్ కోసం రూ.2,500 చెల్లించాల్సి ఉంటుంది.

‘లాక‌ర్‌లో ఉంచిన పత్రాలు లేదా వస్తువులు ముఖ్యమైనవి లేదా విలువైనవి అయితే లాకర్ బీమా పొందాలి. ఇది కొనుగోలు చేసే విధానం సరళమైనది, సులభం. పరిమితి మేర‌కు లాక‌ర్‌లో ఉన్న వ‌స్తువుల గురించి తెలియ‌జేయ‌వ‌చ్చు. . అయినప్పటికీ, దొంగతనం సంభావ్యత తక్కువగా ఉన్నందున లాకర్ బీమాను కొనమని ఆర్థిక స‌లహాదారులు సాధారణంగా సలహా ఇవ్వ‌రు. అయితే ఇది ప‌రిస్థితుల‌పై ఆధార‌ప‌డి ఉంటుంది’ అని రెన్యూ బై స‌హ వ్య‌వ‌స్థాప‌కుడు ఇంద్ర‌నీల్ చ‌ఠ‌ర్జీ అన్నారు.

‘మేము సాధారణంగా ప్ర‌త్యేక‌ బ్యాంక్ లాకర్ భీమా తీసుకోవాలని ప్రజలకు సలహా ఇవ్వము, కొంత అదనపు ఖర్చుతో విస్తృత గృహ బీమా సంస్థతో అందుబాటులో ఉంటే, దీన్ని సిఫారసు చేస్తాము. ఏదేమైనా, లాకర్లలో ఉంచిన ఆభరణాలు లేదా విలువైన వస్తువులపై విలువ‌ అనుగుణంగా నిర్ణ‌యం తీసుకోవాల్సి ఉంటుంది. లాకర్లో అధిక విలువైన ఆభరణాలు లేదా పత్రాలను ఉంచినట్లయితే, ప్ర‌త్యేకంగా లాక‌ర్ బీమా తీసుకోవ‌చ్చు’ అని -లాడర్ 7 ఫైనాన్షియ‌ల్ అడ్వైజ‌రీస్‌ వ్యవస్థాపకుడు సురేష్ సడగోపన్ అన్నారు.

Source-Livemimt


Advertisement

మరిన్ని

మీ ప్రశ్న

సిరి జవాబులు

మరిన్ని
తాజా వార్తలు
మరిన్ని