దిల్లీ: దేశ రాజధాని దిల్లీలో పెట్రోల్ ధరలు రికార్డు స్థాయికి చేరుకున్నాయి. శుక్రవారం(జనవరి 22) ఉదయం లీటర్ పెట్రోల్ ధర 85.45కి చేరింది. నిన్న ఈ ధర రూ.85.20గా ఉంది. మరోవైపు, లీటర్ డీజిల్ రూ. 75.63  పలికింది. పెట్రోల్‌, డీజిల్ ధరలపై చమురు సంస్థలు 25 పైసలు పెంచడంతో ఈ మార్పులు చోటుచేసుకున్నాయి. తాజా పెంపుతో ఆర్థిక రాజధాని ముంబయిలో లీటర్‌ పెట్రోల్‌ ధర అత్యధికంగా రూ.92.04కి చేరుకుంది.

ఇక పెట్రోల్‌ ధర కోల్‌కతాలో రూ. 86.87, చెన్నైలో రూ. 88.16, హైదరాబాద్‌లో రూ. 88.89గా ఉంది. డీజిల్‌ ధర ముంబయిలో రూ. 82.40, కోల్‌కతాలో రూ. 79.23, చెన్నైలో రూ. 80.99, హైదరాబాద్‌లో రూ. 82.53కి చేరింది. అంతర్జాతీయ ధరలకు అనుగుణంగా దేశీయంగా చమురు సంస్థలు రోజువారీ ధరల సవరన చేపడుతాయి. అయితే ఆయా రాష్ట్రాల్లో అమల్లో ఉన్న సేల్స్‌ ట్యాక్స్‌/ వ్యాట్ ఆధారంగా ఈ ధరల్లో మార్పులు ఉంటాయి. 

ఇవీ చదవండి:

ఈ పని చేస్తే..మస్క్‌ రూ.730 కోట్లు ఇస్తారట!

ఊరట లభిస్తుందా?