ఇతర దేశాలకే ఎక్కువ టీకాలిచ్చాం - we have supplied more vaccines globally than having vaccinated our own people: India tells UN
close

Updated : 27/03/2021 11:39 IST
Facebook Share Twitter Share WhatsApp Share Telegram Share Link Share

ఇతర దేశాలకే ఎక్కువ టీకాలిచ్చాం

ఐరాసలో భారత ప్రతినిధి

న్యూయార్క్‌: సొంత దేశంలో ఎంతమందికైతే టీకా డోసులు అందించిందో అంతకంటే ఎక్కువ డోసులు ప్రపంచదేశాలకు భారత్‌ సరఫరా చేసిందని ఐరాస సర్వప్రతినిధి సభకు మన దేశ ప్రతినిధి కె.నాగరాజు నాయుడు తెలిపారు. 2021 ఆరంభం నాటికే అనేక టీకాలు అందుబాటులోకి వచ్చాయని గుర్తుచేశారు. దీంతో టీకాను రూపొందించాలన్న సవాల్‌ పరిష్కారం అయ్యిందన్నారు. కానీ, అందరికీ సమానంగా అందుబాటులోకి తీసుకురావడం, సమానంగా పంపిణీ చేయడమే ఇప్పుడు ప్రధానంగా అధిగమించాల్సిన సమస్య అన్నారు. ఈ విషయంలో ప్రపంచ దేశాల మధ్య సరైన అవగాహన లేకపోతే పేద దేశాలే అత్యధికంగా ప్రభావితమవుతాయన్నారు.

కరోనాపై పోరులో భారత్‌ ఎప్పుడూ ముందుందని నాయుడు ఈ సందర్భంగా గుర్తుచేశారు. తొలి ఆరు నెలల కాలంలో భారత్‌లోని 30 కోట్ల మంది కరోనా యోధులకు టీకా అందించాలని లక్ష్యంగా పెట్టుకున్నామన్నారు. ఈ క్రమంలో 70 దేశాలకు ఇప్పటికే టీకా అందించామని తెలిపారు. దేశీయంగా తయారుచేసిన కొవాగ్జిన్‌కు ఇప్పటికే అనుమతి లభించగా.. మరో 30 వ్యాక్సిన్లు వివిధ దశల్లో ఉన్నాయని తెలిపారు. ఆక్స్‌ఫర్డ్‌, ఆస్ట్రాజెనెకా రూపొందించిన కొవిషీల్డ్‌ టీకాను సైతం భారత్‌లోని సీరం ఇన్‌స్టిట్యూట్‌ ఉత్పత్తి చేస్తున్నట్లు ఐరాసకు తెలిపారు.


మరిన్ని

మీ ప్రశ్న

సిరి జవాబులు

మరిన్ని
తాజా వార్తలు
మరిన్ని