close
రూ.75 కోట్లతో ఐఐఎల్‌ యూనిట్‌ విస్తరణ

యాంటీ రేబిస్‌ వ్యాక్సిన్‌ తయారీకి అవకాశం

ఈనాడు, హైదరాబాద్‌: హైదరాబాద్‌ కేంద్రంగా కార్యకలాపాలు సాగిస్తున్న ఇండియన్‌ ఇమ్యునలాజికల్స్‌ లిమిటెడ్‌ (ఐఐఎల్‌) హైదరాబాద్‌ శివార్లలోని కర్కపట్ల యూనిట్లో రూ.75 కోట్ల పెట్టుబడితో నూతన స్టెరైల్‌ ఫిల్లింగ్‌ ఫెసిలిటీ (ఎస్‌ఎఫ్‌ఎఫ్‌) ని ఏర్పాటు చేయనుంది. జీనోమ్‌ వ్యాలీ మూడో దశలో భాగంగా ఉన్న ఈ ప్రాంతంలో ఏర్పాటు చేసే ఈ కొత్త యూనిట్‌ వల్ల యాంటీ రేబిస్‌ వ్యాక్సిన్‌ వంటి పలు రకాలైన వ్యాక్సిన్లను అధికంగా సరఫరా చేయగల సత్తా ఈ సంస్థకు లభిస్తుంది. ఒక ఏడాది వ్యవధిలో నిర్మాణం పూర్తై ఈ ప్లాంటు అందుబాటులోకి వస్తుందని అంచనా. అత్యాధునిక సాంకేతిక పరిజ్ఞానాన్ని, యంత్ర పరికరాలను దీన్లో వినియోగించనున్నట్లు ఐఐఎల్‌ వెల్లడించింది.
నేషనల్‌ డెయిరీ డెవలప్‌మెంట్‌ బోర్డు (ఎన్‌డీడీబీ) స్ధాపించిన సంస్థ అయిన ఐఐఎల్‌కు నాలుగు ప్రదేశాల్లో తయారీ యూనిట్లు ఉన్నాయి. హ్యూమన్‌ వ్యాక్సిన్లు- యానిమల్‌ హెల్త్‌ ఫార్ములేషన్ల తయారీకి కర్కపట్లలో యూనిట్‌ ఉండగా, ఊటీ వద్ద కల యూనిట్లో యాంటీ రేబిస్‌ వ్యాక్సిన్‌ తయారు చేస్తున్నారు.  హ్యూమన్‌ బయోలాజికల్స్‌, యానిమల్‌ వ్యాక్సిన్ల తయారీకి హైదరాబాద్‌లోనే గచ్చీబౌలీ వద్ద  మరొక యూనిట్‌ ఉంది. న్యూజీల్యాండ్‌లో ఉన్న యూనిట్లో బొవైన్‌ సీరమ్‌ తయారు చేస్తున్నారు. దేశీయ అమ్మకాలు మాత్రమే కాకుండా దాదాపు యాభై దేశాలకు ఈ సంస్థ వ్యాక్సిన్లు ఎగుమతి చేస్తోంది.
పెరుగుతున్న అవసరాలకు అనుగుణంగా వ్యాక్సిన్ల లభ్యతను పెంచాలనే లక్ష్యంతో కర్కపట్ల యూనిట్‌ విస్తరణ చేపట్టినట్లు ఐఐఎల్‌ ఎండీ డాక్టర్‌ కే. ఆనంద్‌ కుమార్‌ తెలిపారు. యాంటీ రేబిస్‌ వ్యాక్సిన్‌కు దేశీయంగా ఎంతో కొరత ఉన్నట్లు తెలుస్తోందని, ఈ సమస్యకు తాము ఎంతో కొంత పరిష్కారాన్ని చూపగలుగుతామని అన్నారు.

ప్రధానాంశాలు

జిల్లా వార్తలు

దేవతార్చన


రుచులు
+

© 1999- 2019 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.