Movies Interview

వార్తలు

మీ ప్రశ్న

సిరి జవాబులు

Q. మా అమ్మాయి పేరుమీద సుకన్య సమృద్ధి యోజనలో నెలకు రూ.5వేలు జమ చేస్తున్నాం. మరో రూ.5వేలను పెట్టుబడి పెట్టేందుకు ఏ పథకం ఎంచుకోవాలి? యూనిట్‌ ఆధారిత బీమా పథకం (యులిప్‌) తీసుకోవడం లాభమేనా?

A.
మీరు ఇప్పటికే ప్రభుత్వ హామీ ఉన్న సుకన్య సమృద్ధిలో జమ చేస్తున్నారు. కాబట్టి, అదనంగా మదుపు చేయాలనుకుంటున్న మొత్తాన్ని హైబ్రీడ్‌ ఈక్విటీ పథకాలకు కేటాయించండి. యులిప్‌లలో ఛార్జీలు కాస్త అధికంగా ఉంటాయి. అయిదేళ్ల లాకిన్‌ వ్యవధి ఉంటుంది. ఇక హైబ్రీడ్‌ ఫండ్లలో నెలకు రూ.5వేల చొప్పున 15 ఏళ్లపాటు జమ చేస్తే.. కనీసం 11 శాతం రాబడి అంచనాతో రూ.20,64,321 అయ్యేందుకు వీలుంటుంది.
Q. నా వయసు 43. పదవీ విరమణ ప్రణాళికల కోసం నెలకు రూ.8వేల వరకూ కేటాయించాలనుకుంటున్నాను. బీమా సంస్థల్లో యాన్యుటీ పాలసీలు మంచివేనా? మ్యూచువల్‌ ఫండ్లలోనూ రిటైర్మెంట్‌ ఫండ్లు ఉన్నాయి కదా.. రెండింటిలో ఏవి మేలు?

A.
బీమా సంస్థలు అందించే యాన్యుటీ పాలసీలు సురక్షితంగా ఉంటాయి. ఇవి రెండు రకాలు. ఒకేసారి కొంత మొత్తం మదుపు చేసినప్పుడు వెంటనే పింఛను ఇచ్చేవి ఇమ్మీడియట్‌ యాన్యుటీ పథకాలు. ఇలా కాకుండా ఏటా ప్రీమియం చెల్లిస్తూ.. నిర్ణీత వ్యవధి తర్వాత పింఛను అందించేవి డిఫర్డ్‌ యాన్యుటీ పాలసీలు. మీరు డిఫర్డ్‌ యాన్యుటీలను ఎంచుకోవచ్చు. సాధారణంగా యాన్యుటీ పథకాల్లో వచ్చే రాబడి ఫిక్స్‌డ్‌ డిపాజిట్లకు దరిదాపుల్లో ఉంటుంది. మ్యూచువల్‌ ఫండ్లలోనూ రిటైర్మెంట్‌ ఫండ్లు అందుబాటులో ఉన్నాయి. ఇవి ఈక్విటీ ఆధారిత పథకాలు కాబట్టి, స్వల్పకాలంలో నష్టభయం ఉంటుంది. దీర్ఘకాలంలో మంచి రాబడిని ఆశించవచ్చు. యాన్యుటీలతో పోల్చి చూసినప్పుడు మ్యూచువల్‌ ఫండ్లతోనే అధిక రాబడి అందుకునే వీలుంటుంది.
Q. హాయ్ సిరి, నా పేరు శంకర్. నేను మీ కధనాలు చదువుతుంటాను. నేను మ్యూచువల్ ఫండ్స్ లో మదుపు చేస్తున్నాను. ఈ ఫండ్స్ మదుపు చేసిన షేర్స్ లో డివిడెండ్స్ వస్తే ఆ మొత్తాన్ని ఫండ్ నిర్వహించే సంస్థలు తీసుకుంటాయా? లేదా ఫండ్ లో మదుపు చేసిన ఇన్వెస్టర్ల కి ఇస్తారా? తెలుపగరు.

A.
మ్యూచువల్ ఫండ్స్ లో రెండు రకాల ఆప్షన్ లు ఉంటాయి - డివిడెండ్, గ్రోత్. ఇందులో డివిడెండ్ ఆప్షన్ ఎంచుకున్న వారికి సమయానుసారంగా కంపెనీ లు డివిడెండ్ ప్రకటించినప్పుడు ఆ మొత్తాన్ని మదుపరులకు అందిస్తారు. గ్రోత్ ఆప్షన్ అయితే ఆ మొత్తాన్ని ఫండ్ మేనేజర్ తీసుకుని తిరిగి పెట్టుబడి పెడతారు. అనుభవం ఉన్న ఫండ్ మేనేజర్ పెట్టుబడి పెడతారు కాబట్టి గ్రోత్ ఆప్షన్ ఎంచుకోవడమే సరైనది. మీకు డివిడెండ్ అవసరం పడుతుంది అనిపిస్తే డివిడెండ్ ఆప్షన్ ఎంచుకోవచ్చు.

మరిన్ని

తాజా వార్తలు

మరిన్ని

Powered By Margadarsi Computers

App