Tata Motors: వాణిజ్య వాహనాల ధరలు పెంచిన టాటామోటార్స్‌ - Tata Motors to hike commercial vehicle prices from Oct 1
close

Published : 21/09/2021 20:36 IST
Facebook Share Twitter Share WhatsApp Share Telegram Share Link Share

Tata Motors: వాణిజ్య వాహనాల ధరలు పెంచిన టాటామోటార్స్‌

ఇంటర్నెట్‌డెస్క్‌: టాటామోటార్స్‌ వాణిజ్య వాహనాల ధరలను పెంచింది. ఈ పెంపు అక్టోబర్‌ 1వ తేదీ నుంచి అమల్లోకి రానుంది. ఈ విషయాన్ని కంపెనీ మంగళవారం ప్రకటించింది. ముడిపదార్థాల ధరలు పెరడం వల్లే ఈ నిర్ణయం తీసుకోవాల్సి వచ్చిందని కంపెనీ పేర్కొంది. ఇటీవల కాలంలో స్టీలు, విలువైన లోహాల ధరలు పెరుగుతూనే ఉన్నాయి.  ఈ పెరుగుదల సుమారు 2 శాతం వరకు ఉండొచ్చు. మోడల్‌ని బట్టి ఇది మారుతుంటుంది.

టాటామోటార్స్‌ దేశంలోనే వాణిజ్య వాహనాలు తయారు చేసే అతిపెద్ద సంస్థ. ఈ సంస్థ బస్సులు, ట్రక్కులు, తేలికపాటి వాహనాలను ఉత్పత్తి చేస్తుంది. పెరుగుతున్న ధరల ప్రభావాన్ని తట్టుకోవడానికి వీలైనంత తక్కువగానే ధరల పెంపు ఉంటుందని కంపెనీ పేర్కొంది. ఈ నెల మొదట్లో దేశీయ కార్ల తయారీ సంస్థ మారుతీ సుజుకీ కూడా మరోసారి ధరలను పెంచిన విషయం తెలిసిందే. ఈ పెంపు  వాహనాలను బట్టి 1.9శాతం వరకు ఉంది. వాస్తవానికి మారుతీ ఈ ఏడాది ధరలను మూడుసార్లు పెంచింది. ఇక ద్విచక్ర వాహన సంస్థ హీరో మోటార్‌ కార్ప్‌ కూడా రూ.3 వేల వరకు ధరను పెంచింది. 


Advertisement

మరిన్ని

మీ ప్రశ్న

సిరి జవాబులు

మరిన్ని
తాజా వార్తలు
మరిన్ని