Questionfullstory News, Headlines, Breaking News, Articles
close

నిపుణులు ఇచ్చిన సమాధానాలు

Facebook Share WhatsApp Share Telegram Share Link Share

నా పేరు అమ‌ర్‌నాథ్‌. మాకు 2017 న‌వంబ‌ర్‌లో పాప పుట్టింది. కుటుంబంలో ఆర్జించేది నేనొక్క‌డినే. ప్ర‌స్తుతం నాకు రూ.2 ల‌క్ష‌ల విలువ చేసే ఎల్ఐసీ జీవ‌న్ ఆనంద్‌, రూ.7 ల‌క్ష‌ల విలువ గ‌ల ఎల్ఐసీ జీవ‌న్ స‌ర‌ళ్ పాలసీలు ఉన్నాయి. నేను ట‌ర్మ్ పాల‌సీ తీసుకోవాల‌నుకుంటున్నాను. పాల‌సీ తీసుకునేటప్పుడు ప్యూర్ ట‌ర్మ్ పాల‌సీ తీసుకోవాలా లేదా మ‌నీబ్యాక్‌, హోల్ లైఫ్ పాల‌సీ తీసుకోవాలా తెల‌ప‌గ‌ల‌రు. పాల‌సీకి రైడ‌ర్ల‌ను జోడించాలా లేదా కూడా తెలుప‌గ‌ల‌రు.

Asked by Amarnath on
మీరు ప్యూర్ ట‌ర్మ్ పాల‌సీ తీసుకోవ‌డం మంచిది. ఎందుకంటే వీటిలో త‌క్కువ ప్రీమియానికే, అధిక హామీ మొత్తం(స‌మ్ అస్యూర్డ్‌) ఉంటుంది. అదే మ‌నీబ్యాక్, హోల్ లైఫ్ అనేవి పొదుపుతో పాటు పెట్టుబ‌డులకు ఉద్దేశించిన‌వి. ఇందులో ప్రీమియం అధికంగా ఉండి, హామీ మొత్తం త‌క్కువ‌గా ఉంటుంది. మీ వార్షికాదాయానికి 10 రెట్లు ఎక్కువ మొత్తానికి, 60 ఏళ్ల నుంచి ప్ర‌స్తుత మీ వ‌య‌సు తీసివేయ‌గా వ‌చ్చే కాల‌వ్య‌వ‌ధికి ట‌ర్మ్ పాల‌సీ తీసుకోండి. దీనికి అద‌నంగా రైడ‌ర్ల‌ను పాల‌సీతో క‌లిపి తీసుకోండి. రైడ‌ర్లతో మ‌రికొంత త‌క్కువ ప్రీమియంతో అద‌న‌పు ప్ర‌యోజ‌నాలుంటాయి. కంపెనీ క్లెయిం ప‌రిష్కార చ‌రిత్ర ఆధారంగా పాలసీ తీసుకోవ‌డం మంచిది. దీని కోసం మీరు ఐసీఐసీఐ ప్రు ప్రొటెక్ట్ స్మార్ట్, హెచ్‌డీఎఫ్‌సీ లైఫ్‌, మాక్స్ లైఫ్ లాంటి ప‌థ‌కాల‌ను ప‌రిశీలించండి. ఎల్ఐసీలో కూడా ట‌ర్మ్ పాల‌సీ తీసుకోవ‌చ్చు. కానీ ప్రైవేట్ సంస్థ‌లతో పోలిస్తే ప్రీమియం కొంచెం ఎక్కువ‌గా ఉంటుంది. మీకు అందుతున్న ప్ర‌యోజ‌నాల‌ను బ‌ట్టి ప్ర‌స్తుత‌మున్న ఎల్ఐసీ పాల‌సీల‌ను కొన‌సాగించ‌వ‌చ్చు లేదా ఉప‌సంహ‌రించుకోవ‌చ్చు. ఒక వేళ మీరు ఈ పాల‌సీల‌ను కొన‌సాగించాల‌నుకుంటే ట‌ర్మ్ పాల‌సీకి న‌గ‌దును స‌ర్దుబాటు చేసుకోండి.

మరిన్ని

మీ ప్రశ్న