close

నిపుణులు ఇచ్చిన సమాధానాలు

Facebook Share WhatsApp Share Telegram Share

నమస్తే ఈనాడు, నేను ప్రైవేట్ కంపెనీ లో ఉద్యోగం చేస్తున్నాను. నా నెలసరి జీతం రూ. 21,000. నాకు సుమారుగా రూ. 4.50 లక్షల వరకు అప్పులు ఉన్నాయి. ఇందులో స్నేహితుల వద్ద, వ్యక్తిగత రుణం, క్రెడిట్ కార్డు ఈఎంఐ లాంటివి ఉన్నాయి. ఇవి వీలైనంత త్వరలో తీర్చడానికి సలహా ఇవ్వండి. 

Asked by charmi on
నెలసరి జీతం లో ఈఎంఐ లు అన్ని కలిపి 30 శాతానికి మించకూడదు. అధిక రుణాల వల్ల ఇతర ఆర్ధిక లక్ష్యాల కోసం పొదుపు చేయడం కష్టతరం అవుతుంది. మీరు తీసుకున్న రుణాల్లో క్రెడిట్ కార్డు పై వడ్డీ అధికంగా ఉంటుంది. ముందుగా ఇది తీర్చడం ముఖ్యం. ఆ తరవాత చేతి రుణాల్లో అధిక వడ్డీ ఉంటే అలాంటి రుణాలని తీర్చాలి. బంగారం లేదా మీ వద్ద ఏదైనా డిపాజిట్ లు ఉన్నట్టయితే వాటి నుంచి ఈ రుణాలని తీర్చడం మంచిది. కుదరకపోతే మరి కాస్త వ్యక్తిగత రుణాన్ని తీసుకుని అధిక వడ్డీ ఉన్న రుణాలని తీర్చండి. మిగతా వాటికి ఈఎంఐ మీ జీతం నుంచి చెల్లించవచ్చు. మీ ఖర్చులు పోగా మిగిలిన మొత్తాన్ని మీ లక్ష్యాల కోసం పొదుపు చేస్తూ ఉండండి. అత్యవసరం అయితే తప్ప క్రెడిట్ కార్డు, వ్యక్తి గత రుణాల నుంచి దూరంగా ఉండడం మంచిది.  

మరిన్ని

మీ ప్రశ్న