పాక్‌లో భారీ పేలుడు: ఐదుగురి మృతి - 5 killed 20 injured in explosion in Pak
close
Published : 21/10/2020 23:26 IST
Facebook Share Twitter Share WhatsApp Share Telegram Share Link Share

పాక్‌లో భారీ పేలుడు: ఐదుగురి మృతి

ఇస్లామాబాద్‌: పాకిస్థాన్‌లో భారీ పేలుడు సంభవించింది. ఈ ఘటనలో ఐదుగురు మృతిచెందగా.. మరో 20మంది గాయపడ్డారు. సింధ్‌ ప్రావిన్స్‌లోని ఓ నాలుగంతస్తుల భవనంలో ఈ పేలుడు జరిగినట్టు పోలీసులు వెల్లడించారు. కరాచీలోని మస్కాన్‌ చౌరంగీ సమీపంలో జరిగిన ఈ పేలుడులో భవనంలోని కనీసం రెండు అంతస్తులు తీవ్రంగా దెబ్బతిని ఉంటాయని భావిస్తున్నారు. అలాగే, మృతుల సంఖ్య కూడా మరింత పెరిగే అవకాశం ఉంది. ఈ ఘటనలో ఇప్పటివరకు ఐదుగురు మృతిచెందినట్టు గుర్తించారు. మరో ఏడుగురి పరిస్థితి విషమంగా ఉన్నట్టు సమాచారం. 

పేలుళ్లు జరిగిన అనంతరం భద్రతా సిబ్బంది అక్కడికి చేరుకొని సహాయక చర్యలు కొనసాగిస్తున్నారు. అయితే, ఈ ప్రమాదానికి కారణమేంటనేది మాత్రం ఇంకా అధికారులు వెల్లడించలేదు. ప్రాథమిక విచారణ ప్రకారం భవనంలోని గ్యాస్‌ లీక్‌ కావడం వల్లే ఈ పేలుడు సంభవించి ఉంటుందని సమాచారం. ఘటనా స్థలంలో పేలుడు కారకాలేమీ లభ్యం కాలేదని అధికారులు తెలిపారు.  సింధ్‌ ముఖ్యమంత్రి సయ్యద్‌ మురాద్ అలీ షా ఈ ఘటనపై సమగ్ర నివేదిక ఇవ్వాలని అధికారులను ఆదేశించారు.

 



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని