పాఠశాలకు వెళ్లిన 67 మంది విద్యార్థులకు కరోనా - 67 students 25 staff members test positive for covid 19 at Himachal school
close
Published : 09/11/2020 02:02 IST
Facebook Share Twitter Share WhatsApp Share Telegram Share Link Share

పాఠశాలకు వెళ్లిన 67 మంది విద్యార్థులకు కరోనా

25 మంది సిబ్బందికి వైరస్‌

సిమ్లా: కరోనా మహమ్మారి వ్యాప్తి తక్కువగా ఉన్న రాష్ట్రాల్లో హిమాచల్‌ ప్రదేశ్‌ ఒకటి. దీంతో ఆ రాష్ట్ర ప్రభుత్వం ఈ మధ్యే పాఠశాలలను పునఃప్రారంభించింది. అయితే పాఠశాలలు తిరిగి ప్రారంభమైన కొద్దిరోజులకే కొవిడ్‌ కేసులు భారీగా బయటపడుతున్నాయి. మండి జిల్లాలోని టిబెటన్‌ చిల్డ్రన్‌ విలేజ్‌ (టీసీవీ) పాఠశాలలోని 67 మంది విద్యార్థులకు పాజిటివ్‌గా తేలింది. 25 మంది సిబ్బందికి కూడా వైరస్‌ నిర్ధారణ అయ్యింది. విద్యార్థుల్లో 47 మంది బాలికలు, 20 మంది బాలురు ఉన్నారు. పాఠశాల వద్ద కొవిడ్‌ పరీక్షలు నిర్వహించగా భారీగా పాజిటివ్‌ కేసులు బయటపడ్డాయి.

అయితే వైరస్‌ సోకినవారంతా ఇతర రాష్ట్రాల నుంచి వచ్చినవారేనని ఓ ప్రభుత్వ ప్రతినిధి వెల్లడించారు. పాజిటివ్‌గా తేలినవారంతా అరుణాచల్‌ప్రదేశ్‌, లద్ధాఖ్‌, మహారాష్ట్ర, నేపాల్‌ నుంచి అక్టోబర్‌ 25 నుంచి 31వ తేదీ మధ్య రాష్ట్రానికి వచ్చినట్లు అధికారి వెల్లడించారు. కాగా వైరస్‌ సోకిన విద్యార్థులతో పాటు సిబ్బందిని వైద్యుల పర్యవేక్షణలో ఐసోలేషన్‌లో ఉంచినట్లు తెలిపారు. అవసరమైతే కొవిడ్‌ కేర్‌ సెంటర్‌కి తరలిస్తామని అన్నారు. వైరస్‌ కట్టడికి రాష్ట్రం అన్ని రకాల చర్యలు తీసుకుంటోందని పేర్కొన్నారు.
 



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని