Antibodies: అక్కడ 86 శాతం మందిలో యాంటీబాడీలు! - 86 percent mumbaikars have covid antibodies finds fifth sero survey
close
Published : 17/09/2021 22:15 IST
Facebook Share Twitter Share WhatsApp Share Telegram Share Link Share

Antibodies: అక్కడ 86 శాతం మందిలో యాంటీబాడీలు!

ముంబయి: బృహన్‌ ముంబయి కార్పొరేషన్‌ చేపట్టిన 5వ సీరో సర్వేలో ఆసక్తికర విషయాలు వెలుగుచూశాయి. ముంబయిలోని 86 శాతం మందికి కరోనా యాంటీబాడీలు ఉన్నట్లు సర్వేలో వెల్లడైంది. గ్రేటర్‌ ముంబయిలోని 24 వార్డులకు చెందిన 18 ఏళ్లకు పైబడిన 8,674 మంది నమూనాలు సేకరించి ఈ పరీక్షలు జరిపారు. ఇందులో ఒకటి లేదా రెండు టీకా డోసులు తీసుకున్న వారిలో ఏకంగా 90.26 శాతం యాంటీ బాడీలు ఉన్నట్లు తేలింది. వ్యాక్సిన్‌ తీసుకోనివారిలో 79.86 శాతం యాంటీబాడీలు ఉన్నాయి. గత ఆగస్టులో నమూనాలు సేకరించి పరీక్షలు చేయగా.. తాజాగా ఫలితాలు వెలువడ్డాయి. కొవిడ్‌ మూడో దశ రానున్న నేపథ్యంలో ప్రజల్లో యాంటీబాడీలు ఉండటం ఊరట కలిగించే అంశం.

సీరో సర్వేలోని ప్రధానాంశాలు:

* ఈ సర్వే కోసం 65శాతం మంది టీకా తీసుకున్నవారి నుంచి నమూనాలు సేకరించగా.. ఇంకా టీకా పొందని 35 శాతం మంది నుంచి కూడా సేకరించారు. 

* ముంబయి మహా నగరంలో యాంటీబాడీలు ఉన్నవారు 86.64శాతం. ఇందులో 87.02 శాతం మురికివాడల్లో నివసించేవారు కాగా.. 86.22శాతం ఇతర ప్రాంతాలకు చెందినవారు ఉన్నారు.

* పురుషుల కంటే మహిళల్లోనే యాంటీబాడీలు ఎక్కువ ఉండటం గమనార్హం. పురుషుల్లో 85.07 శాతం మందిలో యాంటీబాడీలు ఉండగా.. 88.29 శాతం మహిళల్లో ఉన్నట్లు తేలింది.

* వ్యాక్సిన్‌ తీసుకున్నవారిలో 90.26 శాతం మందికి యాంటీబాడీలు ఉండగా, తీసుకోనివారిలో 79.86 శాతం మందిలో ఉన్నాయి.

గతంలో జరిపిన సీరో సర్వేతో పోలిస్తే.. ప్రస్తుతం ప్రజల్లో యాంటీబాడీలు గణనీయంగా పెరిగినట్లు అధ్యయనం వెల్లడించింది. టీకా తీసుకున్నవారిలో రోగ నిరోధకాలు కూడా అధికంగా ఉన్నట్లు తేలింది. యాంటీబాడీలు ఉన్నప్పటికీ మాస్కులు ధరించడం, భౌతిక దూరాన్ని పాటించడం వంటి కరోనా నిబంధనలు పాటించాలని పేర్కొంది. టీకాలు తీసుకోనివారంతా త్వరితగతిన తీసుకోవాలని సూచించింది.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని